News
Լրահոս
News
Երեքշաբթի
Նոյեմբեր 13
Տեսնել լրահոսը

ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնում քննվող քրեական գործով մեղադրանք է առաջադրվել Երևանի քաղաքապետարանի աշխատակազմի Շենգավիթի սոցիալական ծառայությունների տարածքային բաժնի պետին` շորթմամբ նպաստառուներից ապօրինի վարձատրություն ստանալու համար։

Քննչական կոմիտեից տեղեկացրել էին, որ քաղաքացիներից հաղորդումներ են ստացվել՝ սոցիալական աջակցության Շենգավիթի տարածքային գործակալությունում կատարված ենթադրյալ չարաշահումների, նպաստառուներից պատասխանատու անձանց կողմից գումար պահանջելու վերաբերյալ:

Դեպքերի առթիվ հարուցվել է 11 քրեական գործ, որոնք ստացվել են ՀՀ ՔԿ ԵՔՔՎ Շենգավիթ վարչական շրջանի քննչական բաժնում, որտեղ բազմակողմանի, լիվ և օբյեկտիվ քննություն ապահովելու նպատակով նշված քրեական գործերը միացվել են մեկ վարույթում:

Իրականացված անհրաժեշտ քննչական և դատավարական այլ միջոցառումների արդյունքում տվյալներ են ձեռք բերվել առ այն, որ սոցիալական աջակցության ծրագրի շրջանակներում նպաստառուների օգտին գործողություններ կատարելու համար, օրենքով նախատեսված նպաստների հատկացումը չդադարեցնելու համար նպաստառուներից կամ նրանց հարազատներից ծառայության աշխատակիցների կողմից պահանջվել է գումար։ Պարզվել է նաև ենթադրյալ հանցագործություն կատարած անձանցից 9-ի ինքնությունը:

Քննությամբ ձեռք բերված փաստական տվյալների համաձայն՝ առերևույթ չարաշահումների մասնակցություն է ունեցել նաև սոցիալական ծառայության Շենգավիթի տարածքային ստորաբաժանման ներկայիս պետը, ով նախկինում զբաղեցնելով նույն ստորաբաժանման պետի տեղակալի պաշտոնը՝ 2012 թվականի փետրվարի 1-ից մինչև 2014 թվականի հոկտեմբերի 2-ը, քաղաքացիներից ապօրինի վարձատրություն է պահանջել՝ վերջիններիս օգտին սոցիալական աջակցության ծրագրի շրջանակներում գործողություններ կատարելու համար:

Ձեռք բերված ապացույցների համակցությամբ՝ օգոստոսի 17-ին սոցիալական ծառայության տարածքային ստորաբաժանման պետին մեղադրանք է առաջադրվել՝ ՀՀ քրեական օրենսգրքի 311.1-րդ հոդվածի 3-րդ մասի 1-ին կետով (2 դրվագ):

Նույն օրը միջնորդություն է ներկայացվել դատարան՝ նրա նկատմամբ կալանավորումը որպես խափանման միջոց ընտրելու մասին: Դատարանը բավարարել է քննիչի միջնորդությունը, բայց միաժամանակ թույլատրելի է համարել մեղադրյալի նկատմամբ այլընտրանքային խափանման միջոցի կիրառումը և որպես գրավի չափ՝ սահմանել 1,5 մլն ՀՀ դրամ:

Հիշեցնենք, որ նշված քրեական գործով մեղադրանք է առաջադրվել ևս 8 անձի։

Նախաքննությունը շարունակվում է, կատարվում են անհրաժեշտ քննչական գործողություններ՝ առերևույթ չարաշահումներին առնչություն ունեցած անձանց շրջանակը հստակեցնելու և նրանցից յուրաքանչյուրի գործողություններն անհատականացնելու ուղղությամբ։

Տպել
Կարդացեք նաև
Ամբողջը
Թուրքիայի ամենահայտնի գինեկոլոգներից մեկը ձերբակալվել է սեռական ոտնձգության համար
Ինքը՝ գինեկոլոգը հերքում է մեղադրանքը...
Չինաստանում կինը մայթի տակ է անցել
Իրավապահները տուժածին փոսից հանել եւ հիվանդանոց են տեղափոխել․․․
Բրիտանացին Մարոկոյում մահացել է կատաղած կատվի կծելուց
Բրիտանիայում այդ հիվանդության հարուցիչը միայն չղջիկների մոտ կա․․․
Եթովպիայում ձերբակալել են հատուկ ծառայությունների ավելի քան 30 աշխատակիցների
Գլխավոր դատախազի խոսքերով՝ ձերբակալվածների ընդհանուր թիվը 63 է․․․
Խոշոր վթար «Շանգրի Լա» խաղատան մոտ. կան վիրավորներ (ֆոտո)
Վթարի հետևանքով ավտոմեքենայի 2 ուղևորներ մարմնական վնասվածքներով տեղափոխվել են…
Ավտովթարից 2 օր անց «ՎԱԶ-2106»-ի 64-ամյա ամյա վարորդը մահացավ
Նոյեմբերի 10-ին, ժամը 14.00-ի սահմաններում, ՎԱԶ-2106»-ի վարորդ 64-ամյա Ռազմիկ Սաֆարյանը «հիվանդանոցում, գիտակցության չգալով, մահացել է...
Partner news