Օգոստոսի 17-ին Երեւանում կայացած հանրահավաքին ՀՀ վարչապետ Նիկոլ Փաշինյանը մի քանի վիճահարույց հայտարարություն է արել: Նման կարծիք օգոստոսի 22-ին լրագրողների հետ հանդիպման ժամանակ հայտնեց «Ազգային ինքնորոշում» միավորման նախագահ Պարույր Հայրիկյանը:
Մասնավորապես, Հայրիկյանը մեկնաբանեց դատավորներին ուղղված Փաշինյանի հայտարարությունը: «Դատավորներին նվիրված ելույթի հատվածը կարել է որպես սպառնալիք դիտարկել, բայց, մյուս կողմից՝ որպես սթափեցնող կոչ: Սակայն ճիշտ է նաեւ այն, որ դա հակասում էր նրա նախկին հայտարարություններին», - ասաց Հայրիկյանը:
Հայրիկյանը նաեւ կոչ արեց ՀՀ կառավարության ղեկավարին հանդես գալ հայտարարությամբ այն մասին, որ ընդդիմախոսների հասցեին վիրավորանքներ հնչեցնող անձինք որեւէ կապ չունեն Փաշինյանի եւ նրա գործընկերների հետ: Այդպես, վարչապետը կկարողանա անջատվել այդ բավականին ագրեսիվ մարդկանց խմբից՝ հայտարարելով, որ ամենեւին դրա համար չէ նա «սիրո եւ համերաշխության հեղափոխություն» իրականացրել, հիշեցրեց Հայրիկյանը:
Հիշեցնենք, որ օգոստոսի 17-ին Հանրապետության հրապարակում հանրահավաքի ժամանակ ՀՀ վարչապետը խորհուրդ էր տվել դատավորներին «խելքները գլուխը հավաքել»: Այս կոչը հնչեցվել էր ՀՀ երկրորդ նախագահի նկատմամբ խափանման միջոցի չեղարկման մասին Վերաքննիչ դատարանի որոշումից ընդամենը մի քանի օր անց: