ԱՄՆ-ն կկրճատի ՄԱԿ-ի Մարդու իրավունքների գերագույն հանձնակատարի վարչության ֆինանսավորումը: Այս մասին հայտարարել է ԱՄՆ նախագահի անվտանգության հարցերով խորհրդական Ջոն Բոլթոնը, հաղորդում է AP-ն:
Նրա խոսքով, պաշտոնյաները հաշվարկելու են, թե ԱՄՆ-ն ամեն տարի որքան գումար է ուղղում Գերագույն հանձնակատարի եւ ՄԱԿ-ի Մարդու իրավունքների խորհրդի գրասենյակին եւ կկրճատեն այդ գումարը:
Այսպիսով, Մարդու իրավունքների գերագույն հանձնակատարի գրասենյակը կկորցնի խոշորագույն դոնորներից մեկին: ԱՄՆ-ն ՄԱԿ-ի խոշորագույն դոնորն է, որն ապահովում է նրա բյուջեի մոտ 22 տոկոսը:
