Ֆրանսիայի նախագահ Էմանուել Մակրոնը հայտարարել է «եվրոպական անվտանգության ճարտարապետության» վերանայման անհրաժեշության մասին՝ պնդելով, որ Եվրոպան պետք է ջանքեր գործադրի «մեր մերձավոր հարեւանների հետ ռազմավարական գործընկերություն ստեղծելու համար, այդ թվում՝ անվտանգության ոլորտում», փոխանցում է AP-ն:
Նրա խոսքով՝ Եվրոպան պետք է պատասխանատվություն ստանձնի սեփական պաշտպանության համար եւ դադարի այս հարցում հույս դնել Միացյալ Նահանգների վրա:
Ֆինլանդիա կատարած պաշտոնական այցի ընթացքում Մակրոնը հայտարարել է, որ «մեր շահերից է բխում ռազմավարական գործընկերություն հաստատել ինչպես Թուրքիայի, այնպես էլ Ռուսաստանի հետ, ինչը թույլ կտա երկարաժամկետ հեռանկարում կայունացնել հարաբերությունները Եվրամիության հետ»:
Նա հավելել է, որ «մենք պետք է Ռուսաստանի հետ մեր հարաբերությունները հասցնենք սառը պատերազմի ավարտին»՝ հայտարարելով, որ հին սովորությունները «վերջին երկու տասնամյակի ընթացքում» սխալների կամ թյուրիմացությունների են հանգեցրել»:
Նա նշել է, որ անհրաժեշտ է վերանայել «Ռուսաստանի հետ» եվրոպական անվտանգության ճարտարապետության պայմանները, ինչը համապատասխանում է «մեր շահերին՝ տարածաշրջանում կայունության պահպանման համար»: Նշելով, որ «ՆԱՏՕ-ն կարեւոր դաշինք է»՝ Մակրոնը հայտարարել է, որ «մեր դերը նաեւ Եվրոպան գլոբալիզացման խնդիրները սահմանող որոշակի մոդել դարձնելն է»: