ԱՄՆ ՀԴԲ աշխատակիցները ուրբաթ Նյու Մեքսիկո նահանգում 5 մարդու են կալանավորել, որոնց կասկածում են երեխաներին մարդկանց վրա, այդ թվում՝ դպրոցներում կրակելուն նախապատրաստելու մեջ: Այս մասին հայտնում է Fox News հեռուստաալիքը:
Խոսքը Հաիթիից ապօրինի ներգաղթյալ Ջեննի Լեւեյլի, նրա ամուսնու՝ Սիրաջ Վահաջի, վերջինի երկու քույրերի՝ Հուջրահ եւ Սաբհան Վահաջների, ինչպես նաեւ ոմն Լուկաս Մորտենի մասին է: Նրանք իշխանությունների տեսադաշտում են հայտնվել օգոստոսի սկզբին, երբ Նյու Մեքսիկոյի հյուսիսում Թաոս քաղաքի մերձակայքում գտնվող հողամասում հայտնաբերվել են 11 ուժասպառված եւ ցնցոտիներ հագած երեխաներ: Իրավապահ մարմինների տվյալներով՝ նրանք կասկածյալների երեխաներն են:
Հեռուստաալիքը նշում է, որ ըստ դատախազության՝ Սիրաջ Վահաջը, ենթադրաբար, երեխաներին սովորեցրել է զենք գործածել եւ նրանց պատրաստել դպրոցներում կրակելուն, ուսուցիչների եւ իրավապահ մարմինների աշխատակիցնբերի վրա հարձակումներին:
Նշված անձանց ուրբաթ մեղադրանքներ են առաջադրվել զենքի ապօրինի պահման եւ դավադրության համար:
Հեռուստաալիքի տվյալներով՝ նրանք արմատական իսլամի հետեւորդներ են:
