Այն պահին, երբ կհեռանամ վարչապետի կարգավիճակից, պետք է լինեն այլեւս ինստիտուցիոնալ երաշխիքներ, որ որեւէ մեկին հնարավորություն չեն տա իշխանությունը վերցնել ժողովրդի ձեռքից: Այս մասին, այսօր՝ սեպտեմբերի 6-ին, Ֆեյսբուքի ուղիղ եթերում հայտարարել է ՀՀ վարչապետ Նիկոլ Փաշինյանը:
«Ես ինձ ՀՀ վարչապետի կարգավիճակում համարում եմ ձեր ներկայացուցիչը: Իմ այստեղ լինելը իմաստավորվում է, իմաստավորվել է, եւ կիմաստավորվի միայն ու միայն այդ կարգավիճակի բերումով եւ ես ուզում եմ ասել, որ ՀՀ-ում իշխանության ճակատագիրը հանրապետության մակարդակով, տեղական ինքնակառավարման մարմինների մակարդակով, որոշողը լինելու եք միայն ու միայն դուք, Հայաստանի Հանրապետության քաղաքացիները:
Ես ինձ համարում եմ այդ գործընթացի երաշխավորը, ես պիտի երաշխավորեմ, քանի դեռ վարչապետ եմ, որ դուք լիարժեք կրողն եք իշխանության Հայաստանի Հանրապետությունում, իսկ էն պահին երբ կհեռանամ վարչապետի կարգավիճակից, պետք է լինեն այլեւս ինստիտուցիոնալ երաշխիքներ որ որեւէ մեկին հնարավորություն չեն տա իշխանությունը վերցնել ժողովրդի ձեռքից»,-ասել է վարչապետը: