News
Լրահոս
News
Ուրբաթ
Հունվար 19
Տեսնել լրահոսը

Դերսիմի հայերի միության կողմից արդեն մի քանի տարի կազմակերպվող փառատոնը նպատակ ունի մեկ հարկի տակ հավաքել աշխարհասփյուռ հայերի ներկայացուցիչներին եւ նրանց բարեկամացնել դերսիմցի հայերի հետ, փետրվարի 7-ին լրագրողների հետ հանդիպման ժամանակ ասաց միության նախագահ Միհրան Գյուլթեքինը։

«Դերսիմի հայերը, որ վախենում են խոստովանել իրենց ազգային ինքության մասին, վախ ունեն, որ քրիստոնյա հայերը կարող են լավ չընդունել իրենց։ Այդ է պատճառը, որ Հայաստանի եւ սփյուռքի հայ համայնքներ այցելելուց առաջ նրանք ցանկանում են իրենց հայ եղբայրներին հյուրընկալել նախեւառաջ իրենց մոտ, երգել ընդհանուր երգեր, պարել եւ վերահաստատել միեւնույն ավանդույթներով ապրելու փաստը»,- նկատեց Գյուլթեքինը։

Հարցին, թե փառատոնի կազմակերպման եւ իրագործման տեսանկյունից ի՞նչ ակնկալիքներ ունեն դերսիմցի հայերը Հայաստանից, նա պատասխանեց, որ այդ մարդիկ աջակցություն են ակնկալում ոչ այնքան Հայաստանից, որքան հայ երիտասարդներից։ «Հենց երիտասարդներն են, որ կարող են նպաստել այս խզված, կարելի է ասել չեղած կապերի ստեղծմանը»,-բացատրեց Գյուլթեքինը։

Նա տեղեկացրեց, որ առանձնապես ջերմ չեն նաեւ դերսիմցի հայերի եւ պոլսահայերի հարաբերությունները։ «Դրա պատճառներից մեկն էլ կրոնն է, դերսիմցի հայերի՝ ծպտված մնալը։ Ճիշտ է, Դերսիմում հայկական խոնարհված մի շարք եկեղեցիներ կան, ուր հայերը մատաղ եւ այլ կրոնական ծեսեր են իրականացնում, բայց Կոստանդնուպոլսի պատրիարքարանը, ի տարբերություն մի շարք այլ վայրերի, այնտեղ շրջիկ քահանաներ չի ուղարկում, այդ եկեղեցիներում ծիսական արարողություներ չեն կատարվում։ Արդյունքում կիսախոնարհված հայկական եկեղեցիները քանդվում են, հայկական գերեզմանոցներն՝ անհետանում »,- ցավ հայտնեց Գյուլթեքինը։

Վերջում թուրքահայ գործիչը նկատեց, որ Դերսիմում հայերեն սովորելու ոչ մի հնարավորություն չկա եւ մահմեդական դարձած հայերը մայրենին սովորելու տարբերակ չունեն։

!
Այս նյութը հասանելի է նաև   Русский
Տպել
Կարդացեք նաև
Ամբողջ
Թուրքիան հայ–թուրքական սահմանին պատ չի կառուցելու. Թուրքիայի ՆԳ նախարար
Պատի կառուցման հարցում Իրանը կառուցողական դիրքորոշում է ցուցաբերել եւ օգնել...
Հայ-թուրքական հարաբերությունների կարգավորումը չպետք է ակնկալել. «Ելք» դաշինք
Ամեն դեպքում, մենք կողմ ենք Թուրքիայի հետ բաց սահմաններ ունենալուն...
Անկարան հաշվի է առնում Բաքվի դիրքորոշումը Երեւանի հետ հարաբերությունների կարգավորման հարցում. Վահե Էնֆիաջյան
Չպետք է մոռանալ նաեւ Բաքվի արձագանքը Երեւան-Վան չվերթ բացելու ծրագրերին, որոնք այդպես էլ չիրականացան...
Հայաստանը դեմ է վերջնագրերի ճանապարհով հարաբերությունների կարգավորմանը. Էդուարդ Շարմազանով
Այս տարիներին Թուրքիան ցույց տվեց, որ պատրաստ չէ իր հարեւանների եւ առաջին հերթին Հայաստանի հետ հարաբերությունների կարգավորման ճանապարհով գնալ…
Երեւանի դիրքորոշումը հայ-թուրքական հարաբերությունների կարգավորման հարցում միշտ կառուցողական է եղել. ՀՅԴ պատգամավոր
Արձանագրությունները մեռելածին էին, վերակենդանացնել դրանք անհնար է...
Թուրքիան պետք է դադարեցնի Հայաստանի բարբարոսական շրջափակումը. ռուս փորձագետ
Իր երբեմնի երազանքն իրագործելու համար Անկարան պետք է հարաբերութունները կարգավորի ինչպես Երեւանի, այնպես էլ Հունաստանի եւ Կիպրոսի հետ…
Ամենաշատ
Ֆոտոռեպորտաժներ
Partner news