Երեւանի ավագանու մեկնարկած քարոզարշավի ընթացքում եղել են ուժեր, որոնք շատ գրագետ քարոզարշավ են սկսել, հանուն Երեւանի, եղել են ուժեր, որոնք փորձեն են սեւացնել դիմացինին: Այս մասին, այսօր՝ սեպտեմբերի 11-ին, ԱԺ-ում լրագրողների հետ զրույցում նշեց ԱԺ փոխնախագահ, ՀՀԿ մամուլի խոսնակ Էդուարդ Շարմազանովը՝ չցանկանալով անուններ հնչեցնել:
Նրա խոսքով, վարչապետ Փաշինյանն, իհարկե, օրենքով սահմանված կարգով իրավունք ունի մասնակցել քարոզարշավին, բայց իր համար առնվազն զանրամալի էր, որ նա ավելի ակտիվ մասնակցություն է ունենում քարոզարշավին, քան Հայկ Մարությանը. « Ինձ համար տարակուսելի է, որ վարչապետն իր կարեւոր գործերը թողած գնում քարոզարշավի է մասնակցում: Այն դեպքում, երբ բոլոր քաղաքական ուժերը իրենք են, հրապարակի ժողովուրդը, հեղափոխության սիրահարներն ու ջատագովները: Դուք ձերոնցով հավաքվել եք ընտրություն եք անում, ինչի՞ ես գնում, թող Արտակը ընտրվի, թող Նառան ընտրվի, թող Րաֆֆին ընտրվի: Ինչի՞ ես անպայման միջամտում»,-ասաց Շարմազանովը:
Հիշեցմանը, որ Կարեն Կարապետյանն էլ ՀՀԿ-ի քարոզարշավին է մասնակցել, Շարմազանովն արձագանքեց, որ Կարեն Կարապետյանը մասնակցել է ԱԺ ընտրությունների քարոզարշավին, իսկ ՏԻՄ ընտրությունները երկրի քաղաքական կուրսը չեն որոշում:
