News
Լրահոս
News
Կիրակի
Նոյեմբեր 28
Տեսնել լրահոսը

Հայկական քոլեջներում կներդրվի օրգանական գյուղատնտեսության վարման մոդուլային ուսուցում:

Սեպտեմբերի 18-ին Հայաստանի կրթության նախարարության եւ Ավստրիայի Զարգացման գործակալության կողմից, Եմ-ից ֆինանսավորվող «Օրգանական գյուղատնտեսության խթանման նախաձեռնություն» ծրագրի շրջանակներում ներկայացվեցին մասնագիտական կրթության համակարգում օրգանական գյուղատնտեսության սկզբունքների մոդուլը եւ օրգանական գյուղատնտեսության վերաբերյալ ձեռնարկները:

«Համոզված եմ, որ օրգանական գյուղատնտեսության վարման մոդուլային ուսուցումը կնպաստի Հայաստանում մրցունակ գյուղատնտեսական հատվածի զարգացմանը, որակյալ մասնագետների վերապատրաստմանը, ինչպես նաեւ Հայաստանի ագրո արտադրանքի արտահանման ավելացմանը եւ նոր շուկաներ մուտք գործելուն», - ասաց միջոցառմանը ներկա Հայաստանում ԵՄ դեսպան Պետր Սվիտալսկին:

«Մոդուլային ուսուցման շնորհիվ ուսանողները խորը գիտելիքներ կստանան օրգանական գյուղատնտեսության վարման, արտադրության տեխնոլոգիաների եւ ապրանքային պիտակավորման մասին: Վստահ եմ, որ այս ծրագիրը ուսանողներին հնարավորություն կընձեռի ծրագրել կարիերայի եւ մասնագիտական աճը Հայաստանի համար նոր եւ արդիական ոլորտում», - իր հերթին նշեց կրթության եւ գիտության նախարար Արայիկ Հարությունյանը:

Նա նաեւ նշեց, որ ուսանողները կկարողանան շարունակել ուսումը Վիեննայի համալսարաններում:

Գյուղատնտեսության նախարարի խորհրդական Աշոտ Գրիգորյանի խոսքով, օրգանական գյուղատնտեսությունը հնարավորություն է տալիս առավելագույն օգուտ ստանալ սահմանափակ ռեսուրսների, քիչ ցանքատարածությունների դեպքում եւ հատկապես կարեւոր է փոքր ֆերմերային տնտեսությունների համար:

Ավստրիական բանկի «Օրգանական գյուղատնտեսության խթանման նախաձեռնություն» ծրագրի ղեկավարը, իր հերթին, ասաց, որ այս ծրագրի բյուջեն կազմում է 3,3 մլն եվրո:

Ծրագրի շրջանակներում 45 ֆերմերներին տրամադրվել է 1 մլն եվրո չափով ֆինանսավորում: Ընդհանուր առմամբ, ծրագրի արդյունքում Հայաստանում օրգանական գյուղատնտեսությամբ զբաղվող ֆերմերների թիվը հասնում է 80-ի:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Գլխավոր դատախազի տեղակալը հանդիպել է ԵՄ ծրագրի ներկայացուցիչների հետ
Հանդիպման շրջանակներում քննարկվել են ներդրման տարբեր փուլերում գտնվող էլեկտրոնային արդարադատության միասնական համակարգի և քրեական գործերի…
ԵՄ-ն ներկայացրել է քաղաքական գովազդի սահմանափակման ծրագրերը
Նրա խոսքով՝ մարդիկ պետք է իմանան, թե ինչու են գովազդ տեսնում․․․
ԵՄ երկրները համաձայնեցրել են ամերիկյան տեխնոհսկաների իշխանությունը սահմանափակող կանոնների հանդեպ միասնական դիրքորոշումը
Սակայն նրանք վերջնական մանրամասները պետք է համաձայնեցնեն ԵՄ օրենսդիրների հետ, որոնք առաջարկել են ավելի խիստ կանոններ եւ ավելի բարձր տուգանքներ․․․
ՀՀ ԱԳՆ․ կորոնավիրուսը դանդաղեցրել է ՀՀ-ԵՄ ՀԸԳՀ համաձայնագրի իրականացման ընթացքը
Նրա խոսքով՝ Հայաստանն իրականացնում է համաձայնագրի իր մասը․․․
Մանվելյան. Հայաստանի ԱԳՆ-ն Ղարաբաղի կողմից CEPA-ն վերանայելու հարց չի բարձրացրել
«Կա մոտեցում, որ հակամարտությունը չի լուծվել, եւ այն դեռ պետք է լուծվի...
Եվրահանձնակատարը հայտնել է, որ ԵՄ-ն շուտով կփոխի իր սահմանների հատման կանոնները Covid-ի պատճառով
«Ձմեռը շատ ծանր է լինելու...