News
Լրահոս
News
Երեքշաբթի
Մարտ 19
Տեսնել լրահոսը

Պետք չէ նոր Հայաստանի արտահերթ ընտրությունները, արդարադատությունը եւ արժեքները կապել ավագանու ընտրություններում մեկ կուսակցության հաղթանակի հետ: Եթե Երեւանի բնակիչները առաջիկա ընտրություններին իրենց վստահությունը հայտնեն «Ժառանգությանը», նրանք կարող են վստահ լինել, որ արտահերթ խորհրդարանական ընտրություններ տեղի կունենան:

Լրագրողների  հետ զրույցում այս մասին ասաց «Ժառանգություն» կուսակցությունից Երեւանի քաղաքապետի թեկնածու Րաֆֆի Հովհաննիսյանը՝ մեկնաբանելով վարչապետ Նիկոլ Փաշինյանի հայտարարությունը, որ քվեարկելով «Իմ քայլին» ժողովուրդը քվեարկելու է արտահերթ խորհրդարանական ընտրությունների անցկացման համար:

Րաֆֆի Հովհաննիսյանի խոսքով, չպետք է շփոթել պետական գործերը եւ նախընտրական հարթակները: Բացի այդ, նրա կարծիքով, վարչապետը ժողովրդին կոչ է արել քվեարկել ոչ թե քաղաքապետի թեկնածուի օգտին, այլ վարչապետի:

«Ես ինքս  ընտրել եմ վարչապետին, բայց ընտրել եմ որպես վարչապետ, այլ ոչ թե որպես քաղաքապետ: Եվ այս տարբերակումը պետք է հարգել, քանի որ սա վերջ ի վերջո պետություն  է», - ասաց Հովհաննիսյանը:

Խոսելով Երեւանի ավագանիում հայտնվելու իր հնարավորության մասին, Րաֆֆի Հովհաննիսյանը նշեց, որ եթե գիտակից քաղաքացիները իրենց ժամանակից կես ժամ ծախսեն եւ գնան ընտրությունների, «Ժառանգությունը» «ամուր» տեղ կունենա ավագանու կազմում:

Ըստ Հովհաննիսյանի, նա առանձնապես չի վստահում սոցիալական հետազոտությունների արդյունքներին, քանի որ երբեմն դրանք ճշմարիտ են լինում,  երբեմն ՝ոչ, ինչպես իր մասնակցությամբ նախագահական ընտրությունների դեպքում:

 «Ես չգիտեմ, թե ինչպես են դրանք (հարցումներ) անցկացնում, բայց իմ ներքին ձայնն ինձ ասում է, որ մեր քաղաքի լուռ քաղաքացիների մեծ մասը փոփոխություններ է ցանկանում եւ ոչ թե միակուսակցական համակարգ, այլ բազմակուսակցական համակարգ», - ասաց Հովհաննիսյանը: «Ժառանգության» ղեկավարը նշեց, որ «միակուսակցականությունը» կամ «գերկուսակցականությունը» վտանգավոր է, եւ նա չի ուզում, որ այս համաժողովրդական շարժումը նույն ավարտն ունենա, ինչպես նախորդները:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՄ-ն համաձայնության չի եկել Ռուսաստանի դեմ պատժամիջոցների վեցերորդ փաթեթի շուրջ
ԵՄ-ն համաձայնության չի եկել Ռուսաստանի դեմ պատժամիջոցների վեցերորդ փաթեթի շուրջ․․․
«Ժողովուրդ». Բացառիկ. որ դատավորների սենյակներում են գաղտնալսվող սարքեր տեղադրվել
Նշենք, որ այս դատավորների աշխատասենյակներում գաղտնալսող սարքերի տեղադրումն ամենևին էլ պատահական չէ, քանի որ նրանցից...
COVID-19-ի հետ կապված սահմանափակումների պատճառով Հելսինկիում բողոքի ցույց է անցկացվել
Ակցիային մասնակցել է շուրջ 300 մարդ․․․
«Ազատ հայրենիքը» ձգտելու է շարունակել զբաղեցնել իր առաջատար դիրքը. Արայիկ Հարությունյան
«Ազատ հայրենիքը» իր նշանակալի նպաստն ունի Արցախի պետականաշինության գործում...
Չենք լռելու եւ չենք դառնալու իշխանության գրպանի ընդդիմություն. Շարմազանով
Ալավերդու պղնձաձուլարանի փակումը վառ օրինակ է, թե ինչ է անում Փաշինյանի իշխանությունը...
Հայաստանի ԿԸՀ-ն ներկայացրել է Երեւանի նորընտիր ավագանու կազմը (ցանկ)
ԿԸՀ-ն նախ ուժը կորցրած է ճանաչել ԲՀԿ ընտրական ցուցակում ընդգրկված ավագանու անդամի թեկնածուներ Նաիրա Զոհրաբյանի, Պետրոս Ղազարյանի…
Ամենաշատ