Մոսկվայի դատարանը մասամբ բավարարել է Սինայի թերակղզում A321 օդանավի կործանման հետեւանքով զոհվածների հարազատների հայցը: Դատարանը որոշել է «Կոգալիմավիա» ավիաընկերությունից, որը չվերթներ էր իրականացնում Metrojet ապրանքանիշի ներքո, ավելի քան 32 մլն ռուբլի բռնագանձել, հաղորդում է Վեդոմոստին:
Դատարանի որոշմամբ՝ զոհվածների ավելի քան 20 հարազատների, որոնք ավիաաղետի հետեւանքով զրկվել են տան միակ կերակրողից, ամսական ընդհանուր շուրջ 350 հազար ռուբլու չափով վճարում է սահմանել: Նրանցից յուրաքանչյուր մինչեւ կյանքի վերջ 4.000-ից մինչեւ 30.000 ռուբլի կստանա: Տասնյակ հայցորդների փոխհատուցման հայցը դատարանը մերժել է:
2015 թվականի աշնանը «Կոգալիմավիա»-ի՝ Շարմ ալ Շեյխ-Սանկտ Պետերբուրգ չվերթն իրականացնող A321 օդանավը կործանվել է Սինայում: Օդանավում 224 մարդ կար. բոլորը զոհվել են:
Ռուսական հետաքննությունը որպես աղետի պատճառ նշել է ահաբեկչությունը: 2018 թվականի փետրվարին ընկերությունը սնանկ է ճանաչվել:
