Երեւանում այսօր՝ սեպտեմբերի 21-ին խոշոր ավտովթար է տեղի ունեցել: Ժամը 20:00-ի սահմաններում Ռոստովյան-Աթոյան փողոցների խաչմերուկում բախվել են Երեւանի բնակիչ, 26-ամյա Ալբերտ Վարդանյանի վարած Opel Astra Sports մակնիշի 51 LA 005 համարանիշի եւ Opel մակնիշի 34 TC 467 համարանիշի ավտոմեքենաները: Այս մասին տեղեկանում ենք shamshyan.com-ից:

Վթարի հետեւանքով 3 հոգի մարմնական վնասվածքներով տեղափոխվել են Էրեբունի բժշկական կենտրոն: Փրկարարները հոսանքազրկել են ավտոմեքենաները, փակել գազաբալոնն ու սահմանազատել տարածքը:

Փաստի առիթով նյութեր են նախապատրաստվում:

Ոստիկանութունը պարզում է որպես տաքսի շահագործվող մյուս Opel-ի վարորդի եւ վիրավորների ինքնությունը:

Դեպքի վայրում հավաքվածներն աղբյուրին ասել են, որ վթարի մեղավորը եղել է տաքսու վարորդը, ով փորձել է շրջադարձ կատարել եւ իր ճանապարհով ընթացող մյուս Opel-ի վարորդի համար ստեղծել է վթարային իրավիճակ, ինչն էլ դարձել է վթարի պատճառ: