Հրապարակվել է աշխարհի ամենավտանգավոր քաղաքների վարկանիշը, որում 327 քաղաք է ներառվել: Վարկանիշի վերջին հորիզոնականներից մեկում՝ 270-րդ տեղում է հայտնվել նաեւ Երեւանը: Այս մասին գրում է Numbeo-ն:
Աշխարհի ամենավտանգավոր քաղաքը, պարզվում է, Հոնդուրասի Սան Պեդրո Սուլան է:
2018 թվականին հանցավորության ամենաբարձր մակարդակն ունեցող քաղաքների հնգյակում ներառվել են նաեւ Կարակասը (Վենեսուելա), Պորտ Մորսբին (Պապուա-Նոր Գվինեա), Ֆորտալեզան (Բրազիլիա) եւ Դուրբանը (ՀԱՀ):
Միաժամանակ, փորձագետներն աշխարհի ամենաանվտանգ քաղաքներ են անվանել Աբու Դաբին (ԱՄԷ), Դոհան (Կատար) եւ Բազելը (Շվեյցարիա):
Նշենք, որ Մոսկվան ամենավտանգավոր քաղաքների վարկանիշում հայտնվել է 144-րդ հորիզոնականում, Անկարան՝ 172, Բաքուն՝ 286, Թբիլիսին՝ 312-րդ տեղում: