News
Լրահոս
News
Ուրբաթ
Հոկտեմբեր 19
Տեսնել լրահոսը

Ժամը 17:30-ի դրությամբ Երեւանի ավագանու արտահերթ ընտրություններում գրանցվել է 69 խախտում, 24 միջադեպ:

Transparency.am կայքը ներկայացնում է «Ականատես» նախաձեռնության դիտորդների արձանագրած խախտումները:

Ըստ այդմ, Քանաքեռ-Զեյթուն 3/24 տեղամաս ընտրողներից մեկը ներկայացել է «դուխով» շապիկով: Հանձնաժողովի նախագահը զգուշացրել է վերջինիս, եւ ընտրողն ընտրելուց հետո հեռացել է տեղամասային կենտրոնից:

Աջափնյակի 6/8 տեղամաս ընտրողներից մեկը ներկայացել է «դուխով» գլխարկով: Հանձնաժողովի անդամները զգուշացրել են վերջինիս, եւ ընտրողն ընտրելուց հետո հեռացել է տեղամասային կենտրոնից: Նույն տեղամասում նաեւ դիտորդը նկատել է, որ ընտրողները քվեարկության սենյակում առկա խառնաշփոթի ժամանակ 2-3 հոգով են մոտեցել քվեախցիկներին:

Ավանի 1/3-րդ տեղամասում տարեց մի տղամարդ այցելել է տեղամաս ընտրելու ոմն տարեց կնոջ հետ, ով իբրեւ թե եկել էր օգնելու համար, որպեսզի տարեց տղամարդը կարողանա ընտրել:

Սակայն պարզվել է, որ այդ տղամարդը արդեն իսկ ընտրել է: Ոստիկաններ են եկել տեղամաս, թույլ չի տրվել երկրորդ անգամ ընտրել, իսկ միջադեպը գրանցվել է գրանցամատյանում:

Արաբկիրի 4/34 տեղամասում դիտորդը տեղեկացրել է, որ 16:00-ի դրությամբ տեղի է ունեցել այլ անձի փոխարեն քվեարկության երեք դեպք, մասնավորապես ընտրողներն ընտրացուցակում ստորագրել են այլ անձանց դիմաց: Երկու դեպքում ընտրողներին, ում փոխարեն այլ ընտրող արդեն ստորագրել էր, Կենտրոնական ընտրական հանձնաժողովի կողմից ստացված պարզաբանման հիման վրա հնարավորություն է տրվել ստորագրել այլ նշումներ բաժնում, իսկ մյուս դեպքում ընտրողը, որի փոխարեն այլ անձ էր ստորագրել,16:30-ի դրությամբ ընտրության չի մասնակցել:

Ամենից շատ խախտումներով տեղամասերն են Նորք Մարաշ վարչական շրջանի 9/6 տեղամասը, Շենգավիթ վարչական շրջանի 8/9 տեղամասը եւ Արաբկիրի 4/40 ընտրատեղամասը: Այս տեղամասերում գրանցվել է համապատասխանաբար 4, 3, 3 խախտում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանի ԿԸՀ-ն ներկայացրել է Երեւանի նորընտիր ավագանու կազմը (ցանկ)
ԿԸՀ-ն նախ ուժը կորցրած է ճանաչել ԲՀԿ ընտրական ցուցակում ընդգրկված ավագանու անդամի թեկնածուներ Նաիրա Զոհրաբյանի, Պետրոս Ղազարյանի…
Զուտ տեխնիկական իմաստով Երեւան ընտրությունները նահանջ էին. Արմեն Աշոտյան
Ինչ վերաբերում է ԱԺ արտահերթ ընտրությունների ժամկետին, արդյոք բացառում է, որ դրանք տեղի ունենան այս տարի, Աշոտյանը չբացառեն նման տարբերակը...
Զուտ տեխնիկական իմաստով Երեւան ընտրությունները նահանջ էին. Արմեն Աշոտյան
Ինչ վերաբերում է ԱԺ արտահերթ ընտրությունների ժամկետին, արդյոք բացառում է, որ դրանք տեղի ունենան այս տարի, Աշոտյանը չբացառեն նման տարբերակը...
Հայտնի է Երեւանի ավագանիում ԲՀԿ խմբակցության կազմը. Նաիրա Զոհրաբյանն ու Պետրոս Ղազարյանը այդ ցանկում չեն
Ավելի վաղ NEWS.am-ը հայտնել էր, որ ԿԸՀ-ն հրապարակել է Երեւանի ավագանու ընտրությունների վերջնական արդյունքները, ըստ որի...
Սա նոր Հայաստանի առաջին քայլն էր. ՀՀ նախագահը շնորհավորել է ավագանու նորընտիր կազմին
Հանրապետության նախագահ Արմեն Սարգսյանի ուղերձը Երեւանի ավագանու ընտրությունների առթիվ...
Երեւանի ավագանու բոլոր հանձնաժողովների նախագահների ու քարտուղարների պաշտոնները բաժին կհասնեն «Իմ քայլը» դաշինքին
Մշտական հանձնաժողովներում խմբակցություններին տեղեր են հատկացվում նրանց խմբակցության անդամների թվաքանակի համամասնությամբ` ավագանու կանոնակարգով սահմանված կարգով...
Ամենաշատ
Partner news