Սեպտեմբերի 26-ին ԱԺ քննիչ հանձնաժողովի նիստին «Ծառուկյան» դաշինքից պատգամավոր Սերգեյ Բագրատյանն առաջարկեց քննարկել նաեւ նախկին արտգործնախարար Վարդան Օսկանյանի եւ նախկին պատգամավոր Լեւոն Զուրաբյանի զրույցների ապօրինի գաղտնալսման հարցերը:

Այս նախաձեռնությունն աջակցեց ՀՀԿ-ից խորհրդարանի փոխխոսնակ Արփինե Հովհաննիսյանը: «Այս հանձնաժողովն ըստ էության ստեղծվել է ապօրինի գաղտնալսումների բոլոր դեպքերի համար եւ վերջում պետք է եզրակացություն ներկայացնի», - ավելացրեց Հովհաննիսյանը: