Բորսաները եւ խոշոր ընկերությունները, ինչպիսիք են Starbucks-ը եւ Microsoft-ը, արդեն սկսում են կրիպտոարժույթներին ավելի լուրջ վերաբերվել՝ համարում է միլիարդատեր եւ Galaxy Digital Capital Management բանկի հիմնադիր Մայք Նովոգրացը։ CNN Money-ին տված հարցազրույցում նա ասել է, որ առավել շատ մարդիկ կարող են օգտագործել բիթքոինն ինչպես ոսկի՝ իրենց ակտիվների պահպանման համար։
«Կրիպտոարժույթները կարող են ներթափանցել թոշակային եւ այլ ֆոնդեր՝ պրովայդերների թվի աճի հաշվին»,- հաստատել է միլիարդատերը՝ տեղեկացնում է РБК-ն։
Նա ընդգծել է, որ ինստիտուցիոնալ ներդրողները սկսում են ակտիվ ներխուժել ոլորտ՝ հիմնականում այն պատճառով, որ վախենում են բաց թողնել թվային փողերի անխուսափելի աճի հետ կապված եկամուտները