Նյու Յորքում՝ ՄԱԿ-ի Գլխավոր Ասամբլեայի 73-րդ նստաշրջանի շրջանակներում Հայաստանի ԱԳ նախարար Զոհրաբ Մնացականյանը սեպտեմբերի 28-ին, հանդիպել է ՄԱԿ-ի Գլխավոր քարտուղարի փոխտեղակալ եւ Հակաահաբեկչական կոմիտեի գործադիր տնօրեն Միշել Կոնինքսի հետ:
ԱԳՆ-ից NEWS.am-ին հայտնում են, որ հանդիպման ընթացքում կողմերը քննարկեցին ահաբեկչության դեմ պայքարի միջազգային ջանքերն ու դրանց առավել ընդլայնման ու խորացման անհրաժեշտությանը, անդրադարձան այս առումով Հայաստանի իրականացրած նեդրմանը: Մտքեր փոխանակվեցին ՄԱԿ-ի Անվտանգության խորհրդի 1540 բանաձեւի, ինչպես նաեւ միջազգային այլ փաստաթղերի շրջանակներում ընթացող համագործակցության շուրջ:
Նախարար Մնացականյանը վերահաստատեց Հայաստանի հանձնառությունը հետեւողականորեն համագործակցել միջազգային գործընկերների հետ ահաբեկչության, արմատականության, ատելություն սերմանման եւ այլատյացության դեմ պայքարում` միաժամանակ, խթանելով հանդուրժողականության ու խաղաղ գոյակցության գաղափարները։
