Իտալիայի Լեչե նահանգի բնակիչը իր երեք հարեւաններին սպանել է տան դիմաց նրանց ավտոմեքենաների կայանման պատճառով վեճից հետո: Այս մասին հայտնում են տեղի կարաբիներները: Repubblica պարբերականի տեղեկություններով՝ հարեւանների միջեւ վեճեր էին տեղի ունենում վաղուց, սակայն երբեք լուրջ կոնֆլիկտի չէին վերածվում:
Սեպտեմբերի 29-ի գիշերը հերթական վիճաբանությունից հետո 57-ամյա Ռոբերտո Պապադան ատրճանակով գնդակահարել է 36-ամյա Անդրեա Մարտիին: Դրանից հետո նա սպասել է նրա ազգականներին եւ նրանց վրա եւս կրակել՝ սպանելով Մարտիի հորը եւ ծանր վիրավորելով մորը:
«Նրանք իրենց ավտոմեքենաները հատուկ են կայանել իմ տան դիմաց: Ես ճիշտ չեմ վարվել, չեմ ցանկանում արդարանալ, ես դրա համար պատասխան կտամ, սակայն ես պետք է այդ պատմությանը վերջ տայի»,- հայտարարել է Պապադան:
Տղամարդը հիմա մեղադրվում է կանխամտածված սպանության համար:
