Գերմանական Volkswagen ավտոարտադրողը հայտարարել է աշխարհի խոշորագույն IT ընկերություններից մեկի՝ Microsoft-ի հետ համագործակցության մասին։ Համաձայնագրի շրջանակներում որոշվել է VAG-ի բոլոր մոդելները, 2020 թվականից սկսած, հագեցնել Volkswagen Automotive Cloud նորագույն ինտերնետային համակարգով՝ տեղեկացնում է «Автоновости дня»-ն։
Ենթադրվում է, որ ամպային ինտերնետ-ծառայությունը վարորդներին թույլ կտա ցանկացած տեխնիկական հարցով կամ խնդրով կապ հաստատել ավտոարտադրողի հետ։ Volkswagen Automotive Cloud-ի շնորհիվ այժմյան մուլտիմեդիական համակարգերը որակապես նոր մակարդակի կբարձրանան։
Microsoft-ի ինտերնետային ծրագրով հագեցած առաջին 5 միլիոն ավտոմեքենաները նախատեսվում է թողարկել 2020թ․։