Թուրքիայում 10 օրենքով գողերի ներկայությամբ դաժանորեն ծեծվել եւ գողական կոչումից զրկվել է 31-ամյա Իրակլի Ռեխվիաշվիլին, որը քրեական շրջանակներում հայտնի է որպես Տարզան, գրում է «Պրայմ Կրայմը»:

Գործակալության տվյալներով, դեպքը տեղի է ունեցել սեպտեմբերի 29-ին: Տարզանի նկատմամբ կատարվածը վրեժ էր 2014-ին քրեական հեղինակություն Ռոման Խմալաձեի (Ռոմա Բաթումսկի) տիտղոսի զրկման համար: Բացի այդ հարձակվողները կարող էին վրեժխնդիր լինել նրանից ազդեցիկ օրենքով գող Մինդիա Գորաձեի (Լավասօղլի Բաթումսկի) հասցեին տհաճ բառերի համար:

Սեպտեմբերի 26-ին հաղորդվել է, որ օրենքով գող Վլադիմիր Վագինը (որը քրեական շրջանակներում հայտնի էր որպես Վագոն), որին սեպտեմբերի 21-ին №11 ուղղիչ գաղութում մահացած էին հայտնաբերել, իր փաստաբաններին պատմել էր իրավապահների սպառնալիքների մասին:

Մասնավորապես քրեական հեղինակությունը պաշտպաններին ասել էր, որ իրավապահները սպառնում էին №11 ուղղիչ գաղութ տանել, որտեղ 2 տարի առաջ մահացած էին հայտնաբերել մեկ այլ օրենքով գող Մաքսիմ Նովիկովին (Մաքս Պիոներ): Պաշտպանանական կողմի տվյալներով, №11 ուղղիչ գաղութում, որը հայտնի է կտտանքներով, Վագոնին առանց պատճառների մահվանից 3 օր առաջ էին տեղափոխել: