Մոսկվայում 79 տարեկանում մահացել է Ռուսաստանի ժողովրդական արտիստ Ռոման Կարցեւը, հայտնել է նրա տնօրեն Նատալյա Ժերոմսկայան, փոխանցում է «ՌԻԱ Նովոստի»-ն:
«Հինգերորդ ալիքի» տեղեկություններով՝ արտիստը վերջին երեք ամիսներին գտնվում էր հիվանդանոցում: Մահվան ճշգրիտ պատճառն առայժմ հայտնի չէ:
Կարցեւը դերասանական կարիերան սկսել է Օդեսայի նավատորմի ինժեներների ինստիտուտին առընթեր «Պառնաս-2» ուսանողական ինքնագործ թատրոնից հրավեր ստանալով: 1972 թվականին հեռակա ավարտել է Թատրոնի եւ արվեստի պետական ինստիտուտի դերասանական ֆակուլտետը: Դերասանին մեծ համբավ են բերել այնպիսի ֆիլմերում դերերը, ինչպիսին են «Շան սիրտը», «Ավետյաց երկինքներ», «Հին յաբուներ» եւ «Վարպետն ու Մարգարիտան»: