ՆԱՏՕ-ն Նորվեգիայում Trident Juncture զանգվածային զորավարժություններ կանցկացնի։ Այս մասին հայտարարել է ալյանսի գլխավոր քարտուղար Յենս Սթոլթենբերգը՝ տեղեկացնում է DW-ն։
Զորավարժությունները կընթանան հոկտեմբերի 25-ից նոյեմբերի 7-ը՝ Բալթիկ ծովում եւ Հյուսիսային Ատլանտիկայում՝ Նորվեգիայի տարածքում։ Մանեւրներին կմասնակցեն 45 հազար զինվորականներ՝ 31 երկրներից, ինչպես նաեւ 110 ինքնաթիռներ եւ 60 նավեր։
Սթոլթենբերգը նշել է, որ զորավարժություններն ուղղված չեն Ռուսաստանի դեմ, դրանք պաշտպանական բնույթ ունեն եւ պետք է ՆԱՏՕ-ի անդամ որեւէ երկրի վրա զինված հարձակումներին պատասխանի իմիտացիա ստեղծեն։
ՆԱՏՕ-ի այս զորավարժությունները 1991-ից ի վեր խոշորագույնն են։ ԵԱՀԿ անդամ բոլոր երկրները, այդ թվում՝ Ռուսաստանը, հրավիրվել են, որպեսզի նրանք կարողանան զորավարժություններին դիտորդներ ուղարկել։