News
Լրահոս
News
Շաբաթ
Մարտ 23
Տեսնել լրահոսը

Արցախի ՊՆ-ն մանսրամասներ է հայտնել հոկտեմբերի 1-ին ՊԲ զինծառայող Գեւորգ Սուրենի Հարոյանի մահվան հանգամանքների վերաբերյալ:

Արցախի ՊՆ հաղորդագրության մեջ ասվում է.

«ՊԲ զինծառայող Գեւորգ Սուրենի Հարոյանի մահվան հանգամանքների վերաբերյալ վերջին օրերին համացանցում տարածվող տարատեսակ մեկնաբանություններին վերջ դնելու եւ հանրությանը իրազեկելու նպատակով Արցախի Հանրապետության պաշտպանության նախարարության տեղեկատվության եւ հասարակայնության հետ կապերի բաժինը ներկայացնում է ՀՀ ՔԿ ԶԳԳՎ առաջին կայազորային քննչական բաժնում հարուցված քրեական գործի վերաբերյալ տեղեկությունը.

Ս.թ. հոկտեմբերի 1-ին՝ ժամը 10:50-ի սահմաններում, ՊԲ հարավարեւելյան ուղղությամբ տեղակայված զորամասերից մեկի զինծառայող, շարքային Գ. Ս. Հ.-ն վաշտի զինանոցում մաքրության կատարելու ընթացքում համածառայող Գ. Հ. Ց.-ին ամրակցված ինքնաձիգից կրակոց է արձակել իր կրծքավանդակի ձախակողմյան հատվածում եւ տեղափոխվել զինվորական հոսպիտալ, որտեղ նույն օրը՝ ժամը 15:05-ին մահացել է:

Կատարված նախնական եւ անհետաձգելի գործողությունների արդյունքները բավարար հիմքեր են տվել ենթադրելու, որ Գ. Հ.-ն մահացել է իր իսկ գործողությունների արդյունքում:

Փաստի առթիվ 01.10.2018թ-ին ՀՀ ՔԿ ԶՔԳՎ առաջին կայազորային քննչական բաժնում հարուցվել է քրեական գործ՝ ՀՀ քր. օր-ի 110-րդ հոդվածի 1-ին մասի հատկանիշներով: 

Նախաքննությամբ պարզվել է, որ դեպքի նախորդ օրերին, նույն վաշտի զինծառայողներ՝ կրտսեր սերժանտ Մ. Չ.-ի (Արմավիրի ԶԿ) եւ շարքային Գ. Հ.-ի միջեւ տեղի ունեցած վիճաբանության ընթացքում Մ. Չ.-ն բռնություն է գործադրել եւ կոպիտ հայհոյանք հնչեցրել Գ. Հ.-ի  հասցեին: Վիճաբանությանը միջամտել է նույն վաշտի ժամկետային զինծառայող, կրտսեր սերժանտ Դ. Ս.-ն (Էրեբունու ԶԿ)եւ մեկ անգամ հարվածել Գ. Հ.-ին:

Վաշտի հրամանատար, կապիտան Լ. Պ.-ն (Գյումրիի ԶԿ), տեղյակ լինելով վերոնշյալ դեպքի մասին, թաքցրել է դեպքը, իսկ դեպքի նախորդ օրը՝ երեկոյան՝ քուն հրամանից հետո, իր աշխատասենյակում նախատել, դիտողություն է արել Գ. Հ.-ին, ստորացուցիչ հայհոյանք հնչեցրել նրա հասցեին:

02.10.2018թ-ին կրտսեր սերժանտ Մ. Չ.-ն ձերբակալվել է:

Ձեռք բերված ապացույցների հիման վրա 04.10.2018թ. Մ. Չ.-ին մեղադրանք է առաջադրվել ՀՀ քր.   օր-ի 358.1-րդ հոդվածի 4-րդ մասով: Վերջինիս նկատմամբ որպես խափանման միջոց է կիրառվել կալանավորումը:

04.10.2018թ-ին Լ. Պ.-ն եւս ձերբակալվել է:

Ձեռք բերված ապացույցների հիման վրա 07.10.2018թ. Լ. Պ.-ին մեղադրանք է առաջադրվել ՀՀ քր. օր-ի 375-րդ հոդվածի 1-ին մասով եւ ՀՀ քր. օր-ի 360-րդ հոդվածի 2-րդ մասով: Վերջինիս նկատմամբ որպես խափանման միջոց է կիրառվել կալանավորումը:

09.10.2018թ. ՀՀ քր. օր-ի 358.1-րդ հոդվածի 2-րդ մասով մեղադրանք է առաջադրվել նաեւ Դ. Ս.-ին: Վերջինիս նկատմամբ, որպես խափանման միջոց է կիրառվել զորամասի հրամանատարության  հսկողության հանձնելը»:

Տպել
Կարդացեք նաև
Ամբողջը
Ոստիկանության Արաբկիրի բաժնի դիմաց բախվել են BMW-ն ու Mitsubishi Grandis-ը. կա վիրավոր (ֆոտո)
Ազատության պողոտա - Հրաչյա Ներսիսյան եւ Մամիկոնյանց փողոցների խաչմերուկում…
Առանձնատնից գողություններ կատարածներն անչափահասներ էին. Նրանք ձերբակալվել են
Գողոնը մասամբ առգրավվել է…
Ոստիկանները հայտնաբերել են դեղատան աշխատակցուհուն կողոպտած անձին. Փողի մի մասը չկա
Ձեռնարկվում են միջոցառումներ հափշտակված գումարի մյուս մասը հայտնաբերելու ուղղությամբ…
Ոստիկանները պարզել են, որ հաշվապահությունից փող գողացողը ընկերության պահակն էր
Դեպքի վայր մեկնած ոստիկաններին տուժողը հաղորդում է տվել, որ մարտի 21-ի ժամը 17.30-ից մարտի 22-ի ժամը 08.10-ն ընկած ժամանակահատվածում…
Խոշոր վթար Երեւանում. բախվել են Hyundai Elisson-ը, բեռնատար Isuzu-ն եւ տաքսի Opel-ը. կա վիրավոր
Ըստ նախնական տեղեկությունների՝ Opel-ը, որը շահագործվում է որպես տաքսի…
Լոռիում 2018-ին բնակարանային գողությունների 88 դեպք է գրանցվել. դա 63%-ով ավելի է 2017-ի համեմատ. դատախազություն
Գործնական քայլեր՝ Լոռու մարզում բնակարանային գողությունները եւ ճանապարհատրանսպորտային հանցագործությունները նվազեցնելու ուղղությամբ. խորհրդակցություն մարզի դատախազությունում…