News
Լրահոս
News
Ուրբաթ
Հունվար 18
Տեսնել լրահոսը

ԱԺ «Ելք» խմբակցության ղեկավար Լենա Նազարյանը Facebook-ի իր էջում հակիրճ ներկայացրել է անցած շաբաթ Ստրասբուրգում՝ Եվրոպայի խորհրդի խորհրդարանական վեհաժողովի (ԵԽԽՎ) ընթացքում իր ունեցած հանդիպումների արդյունքների մասին:

Նա, մասնավորապես, գրել է.

«Նախ, հիշեցնեմ, որ վերջերս հրապարակվեց ԵԽԽՎ-ի մշտադիտարկման հանձնաժողովի համազեկուցող Յուլիա Լովոչկինայի (Ուկրաինա) հայտարարությունը Հայաստանում տեղի ունեցած քաղաքական զարգացումների վերաբերյալ, որում նա մասնավորապես ասում էր, որ Երեւանի ավագանու ընտրություններին մասնակցության թիվը ցույց է տվել, որ հանրային վստահությունը քաղաքական գործընթացների նկատմամբ դեռ ցածր է եւ կոչ արել, որ Հայաստանում հարգեն ժողովրդավարական արժեքները…

Մի կողմ դնելով այն փաստը, որ եվրոպական շատ երկրներում, Արեւելյան գործընկերության անդամ երկրներում տեղական մարմինների ընտրությունների ժամանակ գրեթե նույն չափի կամ աննշան տարբերությամբ մասնակցություն է գրանցվում, շատ տարօրինակ է նման գնահատական տալ մի հանրությանը, որը գոնե վերջին տասնամյակում երբեք այսքան շահագրգիռ չի եղել իր մասնակցությամբ քաղաքական գործընթացների վրա ազդելու առումով:

ԵԽԽՎ նախագահ Լիլիան Մորի Պասքյեի եւ ԵԽԽՎ-ի գլխավոր քարտուղար Վոյչեխ Սավիցկի հետ հանդիպումների ժամանակ, տեղեկացրել եմ, որ մենք, անչափ կարեւորելով Հայաստանում ԵԽԽՎ-ի կողմից իրականացվող մոնիտորինգային գործընթացը, ակնկալում ենք, որ այսուհետ մոնիտորինգի համազեկուցողները կլսեն բոլոր կողմերի փաստարկները, այլ ոչ թե հիմք կընդունեն ԵԽԽՎ-ի հայաստանյան պատվիրակության կարծիքը, որը դեռ մեծամասամբ ներկայացնում է ՀՀԿ-ն եւ իրենց կողմնապահ հայտարարություններով չեն ստվերի ԵԽԽՎ-ի հեղինակությունը, ինչպես նաեւ թույլ չեն տա, որ իրենց անունը շահարկվի քաղաքական նպատակներով:

ԵԽԽՎ նախագահ Լիլիան Մորի Պասքյեն, ով ուշադրությամբ հետեւել է Հայաստանում տեղի ունեցած իրադարձություններին, շնորհավորեց մեզ (Հայաստանին) բացառապես խաղաղ եղանակով իշխանափոխության կապակցությամբ:

ԵԽԽՎ-ի նախագահը եւ ԵԽԽՎ-ի գլխավոր քարտուղարի հայտնած միակ մտահոգությունը վերաբերում էր ԸՕ-ի եւ ընտրությունների ժամկետին, Վենետիկի հանձնաժողովի հետ համագործակցությանը: Միաժամանակ, ԵԽԽՎ նախագահը հատուկ ընդգծեց, որ դա իր անձնական կարծիքն է, եւ որ վերջնական որոշումը ՀՀ կառավարությունը պետք է կայացնի։

Հանդիպել եմ նաեւ հոկտեմբերի 11-ին նոր նշանակված մոնիտորինգային խմբի համազեկուցող Անդրեյ Շիրչելի (Սլովենիա) հետ: Ասել եմ, որ պատրաստ ենք նոյեմբերին ընդունել մոնիտորինգային խմբին Հայաստանում, պատասխանել բոլոր հարցերին եւ որ որեւէ խոչընդոտ չկա նրանց աշխատանքը մեր երկրում արդյունավետ կազմակերպելու համար:

Հանդիպումներ եղել են նաեւ Մարդու իրավունքների հանձնակատարի գրասենյակի ղեկավարի տեղակալ Բոյանա Ուրումովայի, ԵԽԽՎ նախկին նախագահ, ԵԽԽՎ-ի Եվրոպական ժողովրդական կուսակցության (ԵԺԿ) խմբի նախկին ղեկավար եւ Կիպրոսի պատվիրակության ղեկավար Ստելլա Կիրիակիդեսի, ԵԺԿ խմբի նորանշանակ ղեկավար Ալեքսանդր Պոսիեժի եւ Եվրոպական պահպանողականների խմբի ղեկավար Իըն Լիդդել-Գրեյնջերի հետ:

Բոլոր հանդիպումների ժամանակ ներկայացրել եմ Հայաստանում տեղի ունեցած թավշյա հեղափոխության արդյունքները, կառավարության առաջնահերթությունները, տեղեկացրել եմ ներքաղաքական վերջին զարգացումների, քաղաքական ուժերի հետ բանակցությունների արդյունքների եւ հասարակական տրամադրությունների վերաբերյալ։

ԵԽԽՎ գործընկերները հստակորեն ընդգծել են իրենց աջակցությունը Հայաստանում տեղի ունեցած հեղափոխությանը, շեշտել իրավիճակի զարգացման ողջ ընթացքում Սահմանադրության պահպանման, զոհերի եւ անկարգությունների բացակայության կարեւորությունը եւ հայտնել են Հայաստանում տեղի ունեցող գործընթացներին իրենց օժանդակության մասին։

Միաժամանակ, առկա էր ընդհանուր ըմբռնում, որ, իրապես, արտահերթ խորհրդարանական ընտրությունների անցկացումն անհրաժեշտություն է, ինչը թույլ կտա հանգուցալուծել ներկայումս ծառացած քաղաքական ճգնաժամը։ ԵԽԽՎ ղեկավարությունը պատրաստակամություն է հայտնել ուղարկել դիտորդական առաքելություն՝ ընտրությունները դիտարկելու համար:

Այցի ընթացքում կազմակերպչական աջակցության համար շնորհակալ եմ Եվրոպայի խորհրդում ՀՀ դեսպան, մշտական ներկայացուցիչ Պարույր Հովհաննիսյանին:

!
Այս նյութը հասանելի է նաև   English
Տպել
Կարդացեք նաև
Ամբողջը
Եվրոպայի խորհուրդը կաշխատի նոր կառավարության հետ. Թորբյորն Յագլանդը՝ Նիկոլ Փաշինյանին
Ես վստահ եմ, որ ժողովրդավարական ինստիտուտներին եւ իրավունքի գերիշխանությանը շարունակական հանձնառությունը...
Հայաստանում խորհրդարանական ընտրությունները ԵԽԽՎ օրակարգում են
2018 թվականի դեկտեմբերի 9-ին Հայաստանում կայացած խորհրդարանական ընտրությունների դիտարկման․․․
Եվրոպայի խորհրդի գլխավոր քարտուղարի պաշտոնին 4 թեկնածու է հավակնում
Գլխավոր քարտուղարի ընտրությունը տեղի կունենա այս տարվա հունիսին...
Ստրասբուրգում որոշվել են Եվրոպայի Խորհրդի գլխավոր քարտուղարի թեկնածուները
Բելգիայի արտգործնախարար Դիդիե Ռեյնդերսը հաստատել է, որ իր թեկնածությունն է առաջադրել Եվրոպայի Խորհրդի գլխավոր քարտուղարի․․․
Դունյա Միյատովիչը պահանջել է հանել ադրբեջանցի բլոգերի դեմ ներկայացված նոր մեղադրանքները
Այդ պատճառով նրան պետք է քաղաքացիական հիվանդանոց տեղափոխել, որտեղ նա կարող է անհրաժեշտ բժշկական օգնություն ստանալ...
Հասունացել է ԵԽԽՎ-ում ՀՀ-ի գործող մոնիթորինգը փոխարինել հետմոնիթորինգային երկխոսությամբ. Մարուքյանը՝ ԵԽԽՎ-ում
Փարիզում ավարտվեց ԵԽԽՎ մոնիթորինգի հանձնաժողովի նիստը, որտեղ քննարկվում էր Հայաստանում տեղի ունեցած արտահերթ խորհրդարանական ընտրությունների զեկույցը...