Իրանի եւ Պակիստանի սահմանին ահաբեկիչները «Բասիջ» ստորաբաժանման իրանցի 14 զինվորականների են առեւանգել։ Դեպքը տեղի է ունեցել Պակիստանի սահմանից ոչ հեռու գտնվող Լուլակդան գյուղում՝ տեղեկացնում է Mehr-ը։
Իրանցի զինվորականներն այնտեղ մասնակցում էին Միրյավե սահմանային գոտու անվտանգության բարձրացման ծրագրին։ Այլ մանրամասներ առայժմ չեն հաղորդվում։
Դեպքի հետ կապված՝ Պակիստանի դեսպանին կանչել են Իրանի արտգործնախարարություն։