News
Լրահոս
News
Շաբաթ
Հունվար 19
Տեսնել լրահոսը

ՀՀ նախագահ Արմեն Սարգսյանն այսօր հյուրընկալել է Վենետիկի Մխիթարյան միաբանության քահանայապետական պատվիրակ, Թուրքիայի Հայ Կաթողիկե եկեղեցու թեմի առաջնորդ Գերապայծառ Տեր Լեւոն արքեպիսկոպոս Զեքիյանին: Նրան ուղեկցում էր Հայր Եղիա վարդապետ Քիլաղբջյանը:

Ողջունելով Սրբազանին Հայաստանի Հանրապետության նախագահի նստավայրում՝ Արմեն Սարգսյանն ասել է. «Մեր բարեկամությունը երկար տարիների, մի քանի տասնամյակների պատմություն ունի: Մեր առաջին եւ հետագա բոլոր հանդիպումներն իմ հիշողության մեջ առանձնահատուկ օրեր են, իսկ վերջին հանդիպմանը՝ Վիեննայում, մեծ հաճույք էր Ձեզ հետ միասին լինել Մխիթարյան միաբանության պատմական շենքում, այցելել թանգարան»:

Հանրապետության նախագահը բարձր է գնահատել Գերապայծառ Տեր Լեւոն արքեպիսկոպոս Զեքիյանի բեղուն գործունեությունը՝ ուղղված հայ ժողովրդի հոգեւոր, մշակութային ժառանգությունն աշխարհին ճանաչելի դարձնելուն, հայապահպանությանն ու սերունդների կրթությանը: «Ձեր այցելությունը կարեւոր է ոչ միայն հոգեւոր եւ կրոնական, այլ նաեւ՝ մշակութային առումով»,- նշել է նախագահ Սարգսյանը եւ հավելել. «Ինձ համար Դուք նախ եւ առաջ պրոֆեսոր եք, հայագետ, իսկական ուսուցիչ, իսկ հոգեւոր առաջնորդը նախ եւ առաջ պետք է ուսուցիչ լինի: Կարծում եմ՝ կամուրջ եք ոչ միայն Հայաստանի եւ արտերկրում ապրող մեր հայրենակիցների միջեւ, ոչ միայն հայ առաքելական եւ կաթոլիկ եկեղեցիների միջեւ, այլեւ շատ կարեւոր է Ձեր դերը հայ մշակույթի եւ գրականության, հայոց լեզվի պահպանման ու տարածման գործում»:

Գերապայծառ Տեր Լեւոն արքեպիսկոպոս Զեքիյանը շնորհակալություն է հայտնել Հանրապետության նախագահին ջերմ եւ քաջալերող խոսքերի համար՝ ընդգծելով. «Ինձ համար,անշուշտ, մեծ ուրախություն էր նախագահի պաշտոնում Ձեր ընտրությունը: Շատ ուրախացա նախ բարեկամության պատճառով, բայց նաեւ Ձեր անձի համար՝ այս շատ բարձր եւ պատասխանատու պաշտոնին: Ի սրտե, նաեւ բոլոր միաբանների անունից մաղթում եմ, որ Աստծո օրհնությունն ու լույսն անպակաս լինեն Ձեր անձից, Ձեր ընտանիքից եւ Ձեր միջոցով նաեւ բովանդակ երկրից, որպեսզի դժվարությունները հեշտորեն հաղթահարվեն»:

Նախագահը եւ Սրբազանն անդրադարձել են Մխիթարյան միաբանության գործունեությանը, ընդգծել այն անփոխարինելի եւ հսկայական դերակատարությունը, որ հիմնադրվելուց ի վեր ունեցել է Մխիթարյան միաբանությունը՝ աշխարհին հայտնի դառնալով որպես հոգեւոր, ուսումնակրթական, գրական, գիտամշակութային կենտրոն:

Տպել
Կարդացեք նաև
Ամբողջը
Երուսաղեմում Հայ եկեղեցին մեծ շուքով նշում է Սուրբ Ծնունդը (ֆոտո)
Կեսգիշերին սպասվում է Պաղեստինի նախագահի այցը Սուրբ Ծննդյան տաճար...
Երուսաղեմի նորընտիր քաղաքապետն այցելել է Հայոց պատրիարքարան
Հանդիպման ընթացքում քննարկվել են նաև Երուսաղեմի Հայոց պատրիարքարանին և հայկական համայնքին հուզող հարցեր…
Արտաքին լրջագույն մարտահրավերների պայմաններում ներքին կյանքում պիտի ունենանք հնարավորինս քիչ խնդիրներ. Գարեգին Բ
Հայաստանի նոր կյանքը կերտելու պատասխանատվությունը նաեւ ձեր ուսերին է...
Պոլսո հայոց պատրիարքարանի մուտքի մոտ նոր խաչքարեր են տեղադրվել (ֆոտո)
Սույն խաչքարերը պատրաստվել են Հայաստանի մեջ բարերար Սասունցի...
Սփյուռքի նախարարության դուրս հանելը կարող է բացասական արձագանք ստանալ սփյուռքում. Արամ Ա-ի նամակը՝ Փաշինյանին
Նա նշել է, որ կառավարության ընդհանուր կազմից Սփյուռքի նախարարության դուրս հանելը կարող է բացասական արձագանք ստանալ սփյուռքի ներսում...
Մահմուդ Ահմադինեժադը Սուրբ Ծնունդը նշել է հայ համայնքի ներկայացուցիչների հետ
Ես նրանց հետ ժամերգության մասնակցեցի և այնտեղ հանդիպեցի բազմաթիվ հրաշալի մարդկանց...
Ֆոտոռեպորտաժներ