Այդ սուտ լուրերի հերքողը դուք եք։ Այս մասին դիրքեր ծառայության մեկնող ոստիկաններին ասել է ոստիկանապետ Վալերի Օսիպյանը՝ անդրադառնալով մամուլի այն տեղեկություններին, թե ոստիկանները չեն ցանկանում մեկնել առաջնագիծ։
«Այդ սուտ լուրերի հերքողը դուք եք՝ պետական սահմանին ձեր դժվարին ու անձնվիրաբար ծառայությամբ»,– ասել է ոստիկանապետը։
Ոստիկանության պետի հրամանով ծառայության մեջ աչքի ընկած մի խումբ ոստիկաններ պարգևատրվել են կրծքանշաններով ու պատվոգրերով, շարքում կանգնած բոլոր ոստիկաններին հայտարարվեց շնորհակալություն, ինչը կկցվի նրանց անձնական գործերին:
Կարճատև արձակուրդից հետո ոստիկանները կանցնեն հասարակական կարգի պահպանությանը, ինչից հետո կրկին կմեկնեն արդեն հարազատ դիրքեր: