Էջմիածնի քաղաքապետի ընտրություններում առավոտից եղել են ահազանգեր՝ քվեաթերթիկները լուսանկարահանելու դեպքեր են եղել, երկու անձ դրա հետ կապված բերման է ենթարկվել: Այս մասին, այսօր՝ հոկտեմբերի 21-ին, Էջմիածնում քաղաքապետի ընտրություններին քվեարկելուց հետո լրագրողների հետ զրույցում նշեց քաղաքապետի ՔՊ-ական թեկնածու Դիանա Գասպարյանը:
Նրա խոսքով, որոշ ուղղորդման դեպքերի մասին ահազանգեր են ստացվում, բայց ինքը չի կարող ասել, որ դրանք համատարած են. «Ոստիկանության հետ ակտիվ աշխատում ենք եւ ոստիկանությունից հավաստիացնում են, որ ամեն ինչ վերհսկողության տակ է»:
Դիտարկմանը, թե ինքը ընտրվում է վարչապետի պաշտոնակատար Նիկոլ Փաշինյանի վարկանիշի շնորհիվ, Դիանա Գասպարյանն ասաց. «Իմ հետ կապված այնքան հետաքրքիր զրույցներ կան, որ այդ մեկն էլ թող ասեն, որեւէ խնդիր չկա: Բոլորի համար պարզ է, որ վարչապետի վարկանիշը, խարզիման եւ հեռղինակությունը Հայաստանում, իհարկե, մեծ դեր խաղում է եւ որեւէ իր թեկնածու չի կարող դրանից զերծ մնալ»: