News
Լրահոս
News
Երեքշաբթի
Մարտ 19
Տեսնել լրահոսը

Հայկական ձեռնարկություններն առաջինը կզգան ԵՏՄ–ի ու Իրանի միջեւ ազատ առեւտրի գոտու տնտեսական էֆեկտը։ Այսպիսի տեսակետ է հայտնել ՀՀ փոխվարչապետի ժամանակավոր պաշտոնակատար Մհեր Գրիգորյանը այսօր՝ հոկտեմբերի 22-ին, Երեւանում անցկացվող «Եվրասիական շաբաթ» միջազգային ցուցահանդեսային համաժողովի ժամանակ։

Նրա կարծիքով՝ Եվրասիական տնտեսական միության եւ Իրանի միջեւ ազատ առեւտրի գոտու ժամանակավոր համաձայնագիրը չի կարող դրական տնտեսական ազդեցություն չունենալ բոլոր կողմերի համար, քանի որ այդ համաձայնագիրը նոր հեռանկարներ է բացում Եվրասիական տնտեսական միության շրջանակներում բիզնեսի համար:

«Հսկայական շուկա է բացվում 80 միլիոն բնակչությամբ եւ սպառման բարձր մակարդակով: Եթե բիզնեսը ճիշտ մոդելավորենք, ապա հաշվի առնելով ԵՄ երկրների, Կանադայի, ԱՄՆ-ի եւ Ճապոնիայի հետ Հայաստանի արտոնյալ ռեժիմը, ապա կարող ենք խոշոր էֆեկտ ստանալ»,–նշել է փոխվարչապետի ժամանակավոր պաշտոնակատար Մհեր Գրիգորյանը։

Գրիգորյանը կարծում է, որ Եվրասիական տնտեսական միության անդամ երկրների գործարար համայնքը պետք է ուսումնասիրի այդ հարցը եւ օգտագործի այն առեւտրային արբիտրաժի շրջանակներում, ինչպես նաեւ երկկողմ հարաբերությունների զարգացման համար:

Նա նաեւ հիշեցրել է, որ հայ-իրանական սահմանի վրա գործում է ազատ տնտեսական գոտի, որը նաեւ ենթադրում է որոշակի տնտեսական դիվիդենտների ստացում։

Մհեր Գրիգորյանը կարծում է, որ վավերացման գործընթացի ավարտից հետո որոշակի առեւտրային գործընթացներ կսկսվեն, եւ  հենց հայկական ձեռնարկությունները կսկսեն օգտվել առաջին ռեժիմային արտոնություններից, սակայն Եվրասիական տնտեսական միության գործարար համայնքը եւս աստիճանաբար կսկսի ներգրավվել այդ գործընթացում:

Նրա խոսքով՝  ե՛ւ արտահանման, ե՛ւ ներկրման ներուժը բավականաչափ մեծ է, եւ պարտադիր պետք է հաշվի առնել ԵՏՄ-ն Իրանի եւ Եվրամիության հետ համատեղելու հնարավորությունները։

Գրիգորյանը հիշեցրել է, որ ԵՏՄ-ն եւ Իրանը երեք տարի ժամկետով ազատ առեւտրի գոտու վերաբերյալ ժամանակավոր համաձայնագիր են կնքել եւ այդ համաձայնագրի համաձայն, ԵՏՄ-ն եւ Իրանը կնվազեցնեն մաքսատուրքերը, ինչպես նաեւ մի քանի հարյուր ապրանքի համար կվերացնեն խոչընդոտները: Ընդհանուր առմամբ, երկու կողմերի ցուցակում ընդգրկված է շուրջ 850 միավոր ապրանք:

«Միության երկրներից Հայաստանը ամենից ակտիվ առեւտուր է անում Իրանի հետ: 2017 թ. Հայաստանի եւ Իրանի միջեւ ապրանքաշրջանառությունը կազմել է մոտ 263 մլն դոլար, այդ թվում՝ Հայաստանի արտահանումը 80 միլիոնից փոքր–ինչ պակաս: Սակայն, համեմատության համար, Հայաստանի արտաքին առեւտրում Իրանի մասնաբաժինը 4 տոկոսից մի փոքր ավելի է, այն դեպքում, երբ Ղազախստանի պարագայում այն 0.7 տոկոս է,  իսկ Ռուսաստանի դեպքում՝ մոտ 0.5 տոկոս», - եզրափակեց ՀՀ փոխվարչապետի ժամանակավոր պաշտոնակատարը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կառավարությունը հավանություն տվեց ԵԱՏՄ-ի եւ երրորդ կողմերի մաքսային տարանցման միասնական համակարգի մասին համաձայնագրին
Համաձայնագրի նախագիծը սահմանում է Միության և երրորդ կողմի (երրորդ կողմերի) միասնական մաքսային տարանցման համակարգի գործունեության հիմնական...
ԵԱՏՄ-ում կփոխվեն անասնաբուժական դեղերի շրջանառության կանոնները
ԵԱՏՄ կփոխվի կանոններն անասնաբուժական դեղերի շրջանառության հարցում...
ԵԱՏՄ գազի ընդհանուր շուկայի ձեւավորման մասով երկրների միջեւ կան մի շարք հարցեր. փոխնախարար
ԵԱՏՄ անդամ երկրների միջեւ կան մի շարք հարցեր...
ՌԴ-ից մեծ կախվածություն ունենք՝ ԵԱՏՄ-ն լքելը ռիսկային է. Ֆինանսների նախարար
«Ամեն դեպքում կախվածությունը մեկ կետից, որն էլ լինի այդ կետը, պետք է դիվերսիֆիկացնել»․․․
Պեսկովը հայտնել է, որ Հայաստանը շահում է ԵԱՏՄ-ին անդամակցությունից
Դա մասամբ տեղի է ունենում մեր երկրի հետ շատ սերտ փոխշահավետ համագործակցության եւ ԵԱՏՄ-ին Հայաստանի անդամակցության պատճառով, դա միանշանակ է...
ՊԵԿ պատվիրակությունը մասնակցել է ԵԱՏՄ պետությունների մաքսային ծառայությունների միավորված կոլեգիայի 45-րդ նիստին
Որոշում է կայացվել Եվրասիական տնտեսական միության անդամ պետությունների...
Ամենաշատ