Tesla-ն իր ավտոմեքենաներում «շնային ռեժիմ» կավելացնի

Tesla-ն իր ավտոմեքենաների սրահում կավելացնի էլեկտրոնիկայի հատուկ ռեժիմ, որը շներին կպաշտպանի։ Ինչպես նաեւ՝ ավտոարտադրողն իր ծրագրում Atari-ի մի քանի խաղ կավելացնի՝ տեղեկացնում է Motor-ը։

«Շնային ռեժիմ»-ի մասին Իլոն Մասկին Թվիթերում խնդրել է Model 3 սեդանի սեփականատերերից մեկը։ Դրա ակտիվացման ժամանակ ավտոմեքենայի դռներն ու լուսամուտները փակ կլինեն, սակայն ծրագիրը կաշխատի, իսկ էկրանին կերեւա «Ինձ հետ ամեն ինչ լավ է, իմ տերը շուտով կգա» գրությունը։

Ինչպես նաեւ՝ նշված կլինի սրահի ջերմաստիճանը տվյալ պահին։ Այդ ռեժիմը թույլ կտա նույնիսկ ամենաթեժ շոգին շանը թողնել մեքենայի մեջ։