Չինական գիտական համայնքը մտադիր է 2030 թվականին աշխարհում ամենահզոր կոլայդերը կառուցել, հայտնում է Gazeta–ն՝ վկայակոչելով Global Times–ը։

Նախագծի արժեքը գնահատվում է 35 մլրդ յուան (5.05 մլրդ դոլար)։ Պեկինի Բարձր էներգիայի ֆիզիկայի ինստիտուտի տնօրեն Վան Իֆանի խոսքով՝ շինարարության տեղը դեռ որոշված չէ։

«Կոլայդերի երկարությունը կազմում է շուրջ 100 կիլոմետր, էներգիայի ամբողջությունը մինչեւ 240 գիգաէլեկտրոնվոլտ։ Երկու ցուցանիշները համաշխարհային ռեկորդ կսահմանեն»,–ասել է ինստիտուտի տնօրենը։