Այսօր՝ հոկտեմբերի 24-ին, Արցախի Հանրապետության նախագահ Բակո Սահակյանը ընդունել է հայկական ծագում ունեցող հայտնի իտալացի գրող Անտոնիա Արսլանին եւ Նյու Յորքի Մանհեթենվիլի քոլեջի պրոֆեսոր Շվոն Նաշ Մարշալին:
Արցախի Հանրապետության նախագահի մամուլի ծառայությունից հայտնում են, որ հանդիպման ընթացքում, որին մասնակցել է մշակույթի, երիտասարդության հարցերի եւ զբոսաշրջության նախարար Լեռնիկ Հովհաննիսյանը, արծարծվել են Արցախի կյանքին, Հայրենիք-Սփյուռք կապերին վերաբերող մի շարք հարցեր:
Նախագահ Սահակյանը գոհունակությամբ նշել է, որ նման այցելություններն Արցախ դարձել են պարբերական՝ շեշտելով դրանց կարեւորությունը հայագիտական հետազոտությունների եւ գիտության ոլորտում Արցախի ու տարբեր երկրների փոխգործակցության խորացման տեսանկյունից: