Ֆրանսիական «մարդ-սարդ» Ալեն Ռոբերտը կալանավորվել է Լոնդոնի ամենաբարձրահարկ շենքի վրա բարձրանալու ժամանակ։
Ալեն Ռոբերտին նկատել են քաղաքի հայտնի Heron Tower-ի վրա։ 202 մետրանոց աշտարակը մագլցելիս Ռոբերտը չի օգտագործել սարքեր, ճոպաններ, այլ միայն ձեռքերն ու կավիճ։
Լոնդոնի ոստիկանությունը հաստատել է, որ կալանավորել է 56-ամյա տղամարդու՝ հասարակական կարգը խախտելու համար։
Ավելի վաղ լոնդոնյան հայտնի շենքը հաղթահարելու մտադրության մասին Ռոբերտը հայտնել էր տեղական լրատվամիջոցներին։ «Ես ինձ ողջ եմ զգում, երբ իմ կյանքը վտանգված է։ Դա կարող է մի փոքր սարսափելի եւ խելահեղ թվալ, բայց այդպես էլ կա»,- ասել էր նա։