Մոսկվայի ՆԳՆ գլխավոր վարչությունում հայտնել են Վոզնեսենսկի նրբանցքում հոկտեմբերի 26-ին տեղի ունեցեծ հրաձգության փաստով քրեական գործ հարուցելու մասին, փոխանցում է «Գազետան»՝ վկայակոչելով «Մոսկվա» քաղաքային լուրերի գործակալությունը։
«Դեպքի վայր ժամանած ոստիկանության աշխատակիցները պարզել են, որ 1981 թվականին ծնված գործազուրկ տղամարդը տաքսիի մեքենայի ուղեւորի կարգավիճակում նշված հասցեում խուլիգանական մղումներով խախտելով հասարակական կարգը իր անձնական Grand Power T12 տրավմատիկ ատրճանակից 6 անգամ օդ է կրակել եւ դիմել է փախուստի»,-հայտնել են ՆԳՆ-ում։
Ավելի ուշ կասկածյալը ձերբակալվել է, նրա նկատմամբ հարուցվել է քրեական գործ «Խուլիգանություն» հոդվածի հատկանիշներով, նրա խափանման միջոց է ընտրվել ստորագրություն երկրից չհեռանալու մասին։