Նորվեգական ծովում Ռուսաստանի Դաշնության հրթիռային կրակոցների հետ կապված այն հատվածում, որը մոտ է դաշինքի զորավարժությունների տարածքին, ՆԱՏՕ-ն կխուսափի ցանկացած վտանգավոր իրավիճակներից: Նորվեգիայում Trident Juncture-2018 զորավարժությունների շրջանակում, բացելով Պատվավոր հյուրերի օրը, ասուլիսին ասել է դաշինքի ղեկավար Յենս Ստոլտենբերգը, հաղորդում է ՏԱՍՍ-ը:
«Նման կրակորցները բավական սովորական երեւույթ են: ՆԱՏՕ-ն կխուսափի ցանկացած վտանգավոր իրավիճակներից, մենք խնդիր չեն տեսնում, եթե Ռուսաստանի գործողությունները արհեստավարժ լինեն», - նշել է նա:
ՆԱՏՕ-ն ակնկալում է, որ ռուսական զորավարժությունները չեն խանգարի դաշինքի մանեւրներին:
«Մենք ակնկալում ենք, որ Ռուսաստանի հրթիռային արձակումները որեւէ կերպ չեն ազդի մեր զորավարժությունների վրա: Նրանք միջազգային ջրերում են դրանք իրականացնում եւ Նորվեգիային տեղեկացրել են այդ մասին», - ասել է նա:
Trident Juncture 2018-ը ՆԱՏՕ-ին չի վերադարձնում սառը պատերազմի ժամանակներ եւ դաշինքը կարծում է, որ այսօր առճակատման աստիճանը ցածր է, նշել է գլխավոր քարտուղար Յենս Ստոլտենբերգը:
«Մենք չենք կարծում, որ մեր զորավարժությունները վերադարձ են սառը պատերազմին: Այսօր Եվրոպայում իրավիճակը բոլորովին տարբեր է՝ ավելի ցածր առճակատման մակարդակով, սակայն անկանխատեսելիության բարձր մակարդակով», - ընդգծել է նա:
«Սառը պատերազմի ժամանակ Եվրոպայում միջուկային զենքի հարյուրավոր միավորներ կային, հսկայական ուժեր՝ պատրաստ վիճակում: Այժմ անվտանգության ոլորտում իրավիճակը բոլորովին այլ է», - նշել է նա:
Ստոլտենբերգը նշել է, որ նման զորավարժությունները պետք է ցույց տան դաշինքի վճռականությունն ու պատրաստակամությունը պաշտպանության ուղղությամբ «պոտենցիալ ագրեսորների դատողությունների սխալները եւ ՆԱՏՕ-ի երկրների դեմ ռազմական ագրեսիայի փորձերը կանխելու համար»:
Trident Juncture զորավարժությունները անցնում են 3 փուլով: Առաջինը կայացել է օգոստոսին եւ զորքերի տեղակայում էր իրնից ներկայացնում: Երկրորդն ակտիվ փուլ է՝ հոկտեմբերի 25—ից նոյեմբերի 7-ը, իսկ երրորդը՝ Ստավանգերում Միացյալ հրամանատարական կենտրոնում հրամանատարական շտաբային զորավարժություններ: Զորավարժությունների հիմնական ընդունող կողմը Նորվեգիան է, իսկ Ֆինլանդիան եւ Շվեդիան գործընկերների դերում են հանդես գալիս:
