Միացյալ Նահանգները Ադրբեջանի գազատարի նախագիծը, որով գազը Շահ Դենիզ հանքավայրից Թուրքիայի միջոցով պետք է մատակարարվի Եվրոպային, ներառել է այն բացառությունների ցանկում, որոնց չեն վերաբերում նոյեմբերի 5-ին թարմացվելիք հակաիրանական պատժամիջոցները։ Այս մասին ասվում է ԱՄՆ ֆինանսների նախարարության ծանուցման մեջ, որը հրապարակվել է երկրի դաշնային ռեեստրում (ամերիկյան կառավարության պաշտոնական փաստաթղթերի հավաքածու)՝ տեղեկացնում է ՏԱՍՍ-ը։
Դրանում ընդգծվում է, որ հակաիրանական նորացված սահմանափակումները «չեն վերաբերում այն անձանց, ովքեր իրականացնում են Ադրբեջանից Թուրքիայի միջոցով Եվրոպա տարվող բնական գազի հետ կապված գործարքներ, գազատարի շինարարական աշխատանքներ եւ գործարկումներ, կամ նպաստում են դրանց»։
