Լյեժ քաղաքի ուղղիչ դատարանը ուրբաթ օրը մանկապղծին դատապարտել է 15 տարվա ազատազրկման՝ «ծայրահեղ այլասերվածության» համար։ Նա իր հարազատ որդուն հանձնել է այլ մանկապիղծների՝ նրանց սեռական ցանկությունները բավարարելու համար՝ տեղեկացնում է ՌԻԱ Նովոստին։
RTL ռադիոհեռուստաընկերությունը հայտնել է, որ բելգիացին մեղավոր է ճանաչվել նաեւ 7-11 տարեկան երեխաների բռնաբարության եւ սեռական ոտնձգությունների, ինչպես նաեւ մանկական պոռնոգրաֆիա պահելու եւ տարածելու համար։
RTL-ի տեղեկացմամբ՝ իրավական համակարգում բարձր պաշտոն զբաղեցնող մեղադրյալն իր որդուն, որի տարիքը չի նշվում, փոքրուց պատրաստել է «սեռական օբյեկտ դառնալուն»։ Այլասերվածի համակարգչում գտնվել է մանկապղծություն պատկերող 300 հազար լուսանկար, այդ թվում՝ նորածինների հանդեպ։
Բելգիական ամենադաժան մանկապիղծ է համարվում Մարկ Դյուտրուն, ով 2004թ․ դատապարտվել է ցմահ ազատազրկման՝ իր կողմից առեւանգված 6 աղջիկներից երկուսի սպանության եւ չորսի բռնաբարության համար։