Իրանի հոգեւոր առաջնորդ այաթոլլահ Ալի Խամենեին նշել է, որ Թեհրանի դեմ Վաշինգթոնի պատժամիջոցները Իրանի տնտեսությունն ավելի ինքնաբավ են դարձնում, հաղորդում է RT-ն` վկայակոչելով Twitter-ում երկրի ղեկավարի հաղորդագրությանը:
«Պատժամիջոցներ կիրառելով ԱՄՆ-ն ցանկանում էր կաթվածահար անել եւ կանգնեցնել ազգային տնտեսության աճը, սակայն գործնականում ամեն ինչ ավարտվեց Իրանի ինքնաբավության օգտին:
Իրանի ժողովուրդը տարիներ շարունակ ամեն ինչ ներմուծել է, այժմ այն ամեն ինչ արտադրելու սովորություն է զարգացրել», - գրել է Խամենեին:
Նա հավելել է, որ Թեհրանի հետ 40 տարիների առճակատման ընթացքում ԱՄՆ իշխանությունները փորձել են օգտագործել տարբեր տնտեսական, ռազմական եւ տեղեկատվական գործիքներ, սակայն Իրանը հաղթող է դուրս եկել:
ԱՄՆ-ի Ֆինանսների նախարար Սթիվեն Մնուչինը հայտարարել է, որ նոյեմբերի 5-ին Վաշինգթոնը նոր պատժամիջոցներ կկիրառի Իրանի դեմ: