Իսրայելական ուժայինները լույս երկուշաբթի գիշերը Հորդանան գետի Արեւմտյան ափին 17 պաղեստինցու են ձերբակալել, որոնք հետախուզվում են ահաբեկչական գործունեության մեջ ներգրավված լինելու կասկածանքով։ Այս մասին հայտնել են Իսրայելի պաշտպանության բանակի մամուլի ծառայությունում, փոխանցում է ՏԱՍՍ-ը։
«Գիշերվա ընթացքում բանակային ստորաբաժանումները ոստիկանության, սահմանապահ ոստիկանության եւ Իսրայելի ընդհանուր անվտանգության ծառայության (ՇԱԲԱԿ, հակահետախուզություն) աջակցությամբ Արեւմտյան ափին 17 պաղեստինցիների են ձերբակալել, որոնք հետախուզվում էին ահաբեկչական գործունեության մեջ ներգրավվածության, զանգվածային տեռորի եւ իսրայելացի քաղաքացիական անձանց եւ զինվորների դեմ ուղղված բռնությամբ ուղեկցվող անկարգությունների մեջ կասկածանքով»,-ասված է տարածված հաղորդագրությունում։ Բանակում հավելել են, որ բոլոր ձերբակալվածներին փոխանցել են ՇԱԲԱԿ հակահետախուզություն հարցաքննության համար։
