Aston Martin ընկերությունը 2019 թվականի չորրորդ եռամսյակում կսկսի իր պատմության մեջ առաջին քրոսովերի թողարկումը, հայտնում է «Կոմերսանտը»:
Մոդելը, որը պետք է ստանա Varekai անվանումը, կկառուցվի Հարավային Ուելսում Թագավորական ռազամօդային ուժերի (RAF) նախկին բազայում տեղակայված նոր գործարանում: Հաջորդ տարվա առաջին եռամսյակի սկզբին կավարտվի ավտոմեքենաների թողարկման հզորությունների նախապատրաստումը, իսկ հետագայում կպատրաստվեն քրոսովերի մի քանի թեստային նմուշներ:
Սերիական ավտոմեքենայի թողարկման համար աշխատակիցների թիվը 100-ից կհասնի 200-ի, իսկ 2020 թվականին, երբ քրոսովերի արտադրության ծավալները աճեն, գործարանի աշխատակիցների թիվը 700-ից կանցնի:
