News
Լրահոս
News
Ուրբաթ
Հունվար 18
Տեսնել լրահոսը

Հոնկոնգը արգելել է Ասիայում Financial Times-ի խմբագիր Վիկտոր Մալետի մուտքը քաղաք որպես այցելու այն բանից հետո, երբ իշխանությունները հոկտեմբերին հրաժարվել են երկարացնել նրա աշխատանքային վիզան, գրում է Reuters-ը:

Financial Times-ում հայտնել են, որ հինգշաբթի Մալետը փորձել է որպես այցելու մուտք գործել Հոնկոնգ, սակայն սահմանի մոտ հետ է շրջվել այն բանից հետո, երբ ներգաղթային ծառայության սպաները նրան մի քանի ժամ հարցաքննել են:

Reuters-ը հաղորդում է, որ Մալետը հրաժարվել է մեկնաբանել այս լուրը:

Հոնկոնգի կառավարությունը հայտարարել է, որ այս գործը մամուլի ազատության հետ որեւէ կապ չունի:

«Ուսումնասիրելով մուտքի թույլտվությունները, մենք գործելու ենք օրենքի համաձայն եւ այդ հարցերը լուծվում են ներգաղթային քաղաքականությանը համապատասխան», - նշվում է քաղաքի իշխանությունների հայտարարությունում:

Վերլուծաբանները կարծում են, որ Financial Times-ի խմբագրի դեպքը նախկին բրիտանական գաղութի մասին քննադատության եւ այլախոհության նկատմամբ Հոնկոնգի իշխանությունների կոշտ քաղաքականության օրինակ է:

Ինչպես նշում է թերթը, Մալետի դեպքում կառավարությունը հրաժարվել է երկարաձգել նրա վիզան` Հոնկոնգի օտարերկրյա թղթակիցների ակումբում կազմակերպած ակտիվիստների հանդիպումից հետո, որը կտրուկ քննադատության էր արժանացել Չինաստանի եւ Հոնկոնգի իշխանությունների կողմից:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կրոնական աղանդի առաջնորդը ցմահ բանտարկության է դատապարտվել լրագրողի սպանության համար
Որը բացահայտել էր հզոր գուրուի կողմից անզուսպ սեքսուալ ոտնձգությունները…
Գործող իշխանությունը չի կարող ճնշում գործադրել ԶԼՄ-ի վրա, անգամ եթե ցանկանա. «Լուսավոր Հայաստան»
Նրա խոսքով՝ գործող իշխանությունները բազմիցս հայտարարել են, որ ոչ մի դեպքում չեն պատրաստվում ճնշում գործադրել ԶԼՄ-ի վրա...
ԶԼՄ-ների պաշտպանության ծրագրի ղեկավար. ԶԼՄ-ների նկատմամբ ճնշումները կաճեն
Հայաստանում լրատվամիջոցների վրա ճնշումները կաճեն․․․
Հայաստանի իշխանությունները լրատվամիջոցների ակտիվ մոնիթորինգ են իրականացնում. «Հրապարակ» թերթի խմբագիր
«Ցավալի է, որ այժմ անհանդուրժողականության մթնոլորտը ձեւավորում է մեր ոլորտի մարդը եւ նա, ով ժողովրդի միջոցով է իշխանության եկել...
Իրանական Press TV հեռուստաալիքը հայտարարել է ԱՄՆ-ում իր հաղորդավարի ձերբակալման մասին
Ամերիկյան ոստիկանությունը ձերբակալել է անգլալեզու իրանական «Press TV» հեռուստաալիքի լրագրող․․․
NBC հեռուստաընկերությունը պաշտոնապես ազատել է ամենաբարձր վարձատրվող հեռուստահաղորդավարներից մեկին
Մեգին Քելլին ազատվել է ոչ պոլիտկոռեկտ արտահայտությունների համար...
Ֆոտոռեպորտաժներ