Mitsubishi ընկերությունը ներկայացրել է L200 պիկապի նոր տարբերակ, գրում է Drive պարբերականը։ Վաճառքը կմեկնարկի նոյեմբերի 17-ին, Թաիլանդում, փոխանցում է «ՌԻԱ Նովոստի»-ն։
Փոքր-ինչ փոխվել է L200-ի դիզայնը, մոդելը ստացել է նաեւ 6-աստիճանային ավտոմատ փոխանցման տուփ։ Հայտնվել է Sport ռեժիմ։
Լիաքարշակ համակարգը (Easy-Select 4WD եւ Super-Select 4WD-II) այժմ առաջարկում է ընտրել երթեւեկության ռեժիմների միջեւ մանրախիճի, ձյան, ավազի, քարերի դեպքում։ Բարելավվել է նաեւ արգելակող համակարգը։