ԱԺ արտահերթ ընտրություններին «Իմ քայլը» դաշինքն ամենայն հավանականությամբ հանդես կգա «Նիկոլ, վարչապե՛տ» կարգախոսով։ Այս մասին NEWS.am–ին ասաց ԱԺ «Ելք» խմբակցության պատգամավոր, «Իմ քայլը» դաշինքի համամասնական ցուցակի անդամ Հովիկ Աղազարյանը։ Նա նշեց, որ կարգախոսն ընտրել են Ալեն Սիմոնյանի առաջարկով։
«Կարգախոսը հստակ չէ, բայց շրրջանառվող տարբերակներից ամենահավանականը «Նիկոլ վարչապե՛տ» տարբերակն է, քանի որ Նիկոլն այս ամեն ինչի խորհրդանիշն է և ժողովուրդը պետք է իմանա, թե ինչ ընտրություն է կատարում, և գաղափարական որոշում կայացնի»,–ասաց նա։
Հարցին, թե այս կարգախոսը չի՞ նմանվում անձի պաշտամունքի, պատգամավորն արձագանքեց. «Ո՛չ, դա քարոզչական, քաղաքական հնարք է»։
