News
Լրահոս
News
Երեքշաբթի
Մարտ 19
Տեսնել լրահոսը

ՀՀԿ խմբակցության պատգամավոր Ռուստամ Մախմուդյանն առաջարկում է նոյեմբերի 21-ին կառավարության կողմից նախաձեռնված ԱԺ արտահերթ նիստի օրակարգում ընդգրկել նաեւ բոլոր այն օրինագծերը, որոնք կարեւոր են եւ անցել են առաջին ընթերցում:

Բանն այն է, որ ԱԺ պատգամավորները չեն ցանկանում դեկտեմբերի 4-ին մեկնարկող ԱԺ հերթական նիստերին մասնակցել:

«Նկատի ունենալով, որ ունենք շրջանառության մեջ դրված օրինագծեր, որոնք կարեւոր են, առաջարկում եմ կառավարության նախաձեռնած արտահերթ նիստում ընդգրկել այդ հարցերը»,-ասաց Մախմուդյանը:

«Ծառուկյան» խմբակցությունից Նաիրա Զոհրաբյանը միացավ այդ առաջարկությանը՝ հավելելով, որ օրինակ շատ կարեւոր օրինագիծ կա օրակարգում, որը վերաբերում է ՔԿՀ-ներում անցկացրած 1 օրը 1,5 օր հաշվելուն:

ԱԺ նախագահ Արա Բաբլոյանը սակայն, նկատեց, որ այդ հարցերը արտահերթի օրակարգում ընդգրկելու համար կառավարությունը նորից պետք է նիստ անի: Նա մեկ այլ լուծում առաջարկեց. ԱԺ պատգամավորների ստորագրությամբ հրավիրել եւս մեկ արտահերթ նիստ, որը կմեկնարկի, երբ կառավարության նախաձեռնությամբ հրավիրված արտահերթ նիստը կավարտի աշխատանքը:

«Կառավարության նախաձեռնած ԱԺ արտահերթ նիստը կավարտվի նոյեմբերի 22-ին, որից հետո կարող ենք անել հաջորդ արտահերթը: Ես համոզված եմ, որ ամսի 22-ին կապահովենք քվորումը, բայց շարունակությունը մի քիչ լավ չեմ պատկերացնում»,-խոստովանեց Բաբլոյանը՝ նկատի ունենալով, որ քվորումի հետ կապված խնդիր կարող են ունենալ:

Հիշեցնենք, որ կառավարության նախաձեռնած ԱԺ արտահերթ նիստի օրակարգում 2019 թվականի բյուջեի նախագիծն է:

!
Այս նյութը հասանելի է նաև   English
Տպել
Ամենաշատ