Ռուսաստանի նախագահի մամուլի քարտուղար Դմիտրի Պեսկովն ափսոսանք է հայտնել, որ ռուսաստանցի գեներալ Ալեքսանդր Պրոկոպչուկը պարտվել է Ինտերպոլի ղեկավարի ընտրություններում, փոխանցում է «ՌԻԱ Նովոստի»-ն:
Ավելի վաղ հայտնի էր դարձել այն մասին, որ Ինտերպոլի նոր ղեկավար է ընտրվել Հարավային Կորեայի ներկայացուցիչ Կիմ Չեն Յանը:
Ուկրաինայի իշխանությունները հանդես էին եկել Պրոկոպչուկի թեկնածության դեմ եւ սպառնացել կազմակերպությունից դուրս գալ, եթե այն ռուսաստանցին ղեկավարի: Համանման հայտարարությամբ էր հանդես եկել Լիտվան:
Դրանից բացի, մի խումբ ամերիկացի սենատորներ ԱՄՆ նախագահի վարչակազմին եւ Ինտերպոլի Գլխավոր վեհաժողովին կոչ էին արել չաջակցել Պրոկոպչուկի թեկնածությանը:
