Մի քանի ամսվա հետաքննությունից հետո գերմանական Տյուրինգի դաշնային հողատարածքի քրեական ոստիկանությունն ընկել է հայկական մաֆիայի հետքի վրա եւ ձերբակալել նրա անդամներից երկուսին։
31-ամյա ավտոդիլլեր Արթուր Զ․-ն եւ 26-ամյա Կարո Ս․-ն ձերբակալվել են թմրամիջոցներ վաճառելու կասկածանքով՝ տեղեկացնում է MDR THÜRINGEN-ը։ Խուզարկության ժամանակ ոստիկանները 35 կգ մարիխուանա են հայտնաբերել։
Հոդվածում նշվում է, որ մոտ 10 տարի առաջ Հայաստանից եւ Ադրբեջանից երիտասարդները իրենց ուժերը միավորել են «Ջոկեր» անվանումով խմբավորման մեջ։ Նրանք, հավանաբար, զբաղվել են ռեկետով, թալանով եւ թմրանյութերի անօրինական շրջանառությամբ։ Արթուր Զ․-ն եւ Կարո Ս․-ն, ըստ քննիչների, ավազակախմբի պարագլուխներից են։
Հոդվածի համաձայն, հետագայում խումբը ցրվել է, սակայն երկու տղամարդիկ շարունակել են իրենց հանցավոր գործունեությունը։ Նրանք երեւում են տարբեր հանցագործությունների նկարահանումներում, որնք արվել են տեսախցիկների կողմից։
Հիշեցնենք, որ ավելի վաղ, այս ամիս գերմանական ԶԼՄ-ները գրել էին հայկական մաֆիայի դեմ հատուկ գաղտնի գործողության մասին, որի անվանումն էր Fight against thieves in law («Օրենքով գողերի դեմ պայքար»)։
