Սլովակիայի արտաքին գործերի նախարար Միրոսլավ Լայչակը որոշել է հրաժարական տալ՝ որպես բողոք՝ ՄԱԿ-ի միգրացիոն դաշնագրի մերժման մասին խորհրդարանի որոշման դեմ՝ տեղեկացնում է Reuters-ը։

Այս մասին հայտնել են Սլովակիայի ԱԳՆ-ում։

Լայչակը ՄԱԿ ԳԱ նախագահ էր, երբ ընդունվեց միգրացիոն դաշնագիրը, եւ դեռ այն ժամանակ հայտարարել էր, թե հրաժարական կտա, եթե իր երկիրը այն չընդունի։

Ավելի վաղ Բրատիսլավան հրաժարվել էր ընդունել անվտանգ, կարգավորված եւ վերահսկվող միգրացիայի մասին ՄԱԿ-ի առաջարկած Համաշխարհային դաշնագիրը։ Այդ մասին ԵՄ գագաթաժողովի արդյունքներով նոյեմբերի 25-ին հայտարարել էր Սլովակիայի վարչապետ Պետեր Պելեգրինին։