Ռուսաստանի հետ հարաբերությունները առաջնահերթ են մեզ համար: Սանկտ Պետերբուրգում ԵՏՄ երկրների գագաթաժողովի նախաշեմին տնտեսական տեսաբան Նիկոլայ Կորժենեւսկուն տված հարցազրույցում ասել է Հայաստանի վարչապետի պաշտոնակատար Նիկոլ Փաշինյանը՝ պատասխանելով հարցին, թե ինչ տնտեսական եւ միջազգային օրակարգով է նա մասնակցում դեկտեմբերի 9-ի խորհրդարանական ընտրություններին:
«Տնտեսական օրակարգը, ըստ էության, ընթացիկ քաղաքական գործընթացների համար ամենակարեւորն է: Մեր առջեւ շատ կարեւոր եւ հավակնոտ խնդիր է. Հայաստանը ագրարահումքային երկրից տեխնոլոգիական եւ արդյունաբերական երկիր դարձնել», - ասել է Փաշինյանը՝ հավելելով, որ դա ամենակարեւոր աշխատանքն է, որը նախատեսվում է անել:
«Մենք կարծում ենք, որ սա Հայաստանում աղքատությունը հաղթահարելու ճանապարհ է, քանի որ, այսօր, ցավոք հանրապետությունում աղքատության եւ գործազրկության շատ բարձր մակարդակ է», - ասել է Փաշինյանը:
«Մենք վստահ ենք, որ այս հարցը կարելի է միայն աշխատանքի միջոցով լուծել: Այս ուղղությամբ յուրաքանչյուր մարդու եւ քաղաքացու ջանքերը կարեւոր նշանակություն ունեն, քանի որ ամեն դեպքում փոփոխությունները մարդիկ են բերում: Շատ կարեւոր է, որ մեր քաղաքացիներն իրենց դերը գիտակցել են ոչ միայն քաղաքական, այլեւ տնտեսական փոփոխությունների գործընթացում», - նշեց նա:
«Ինչ վերաբերում է միջազգային օրակարգին, ապա ես բազմիցս ասել եմ, որ Հայաստանի ներքին քաղաքականության մեջ կտրուկ կտրուկ փոփոխություններ չեն լինի: Մենք տարամադրված ենք Ռուսաստանի հետ ռազմավարական գործընկերային հարաբերությունների հետագա զարգացմանը, մենք շահագրգռված ենք եւ կաշխատենք ԵՏՄ-ում, ՀԱՊԿ-ում եւ ԱՊՀ-ում մեր անդամակցության արդյունավետության բարձրացման համար:
Մեր օրակարգում կա նաեւ Եվրամիության եւ ԱՄՆ-ի հետ հարաբերությունների զարգացումը: Մեզ համար շատ կարեւոր են Չինաստանի եւ Հնդկաստանի հետ հարաբերությունները, ինչպես նաեւ մեր անմիջական հարեւանների հետ՝ Վրաստաննի ու Իրանի: Մենք մտադիր ենք մեր հարաբերությունները զարգացնել բոլոր միջազգային գործընկերների հետ, բայց ոչ մեր մյուս հարաբերությունների հաշվին:
Իհարկե, Ռուսաստանի հետ հարաբերությունները մեզ համար առաջնահերթ են», - ընդգծել է Փաշինյանը:
