Իրանի իշխանությունները Չաբահար քաղաքում ահաբեկչության կազմակերպման մեջ ներգրավված 10 հոգու են ձերբակալել։ Իրանում կարգուկանոնի պահպանության ուժերի հրամանատար Հոսեյն Աշտարիի խոսքով՝ ոստիկանության ուժերի զգոնության եւ քաջության շնորհիվ այդ դավադրությունը չեզոքացվել է, հայտնում է «ԻՌՆԱ»-ն։
Ավելի վաղ՝ դեկտեմբերի 6-ին մահապարտ ահաբեկիչը ականապատված մեքենայով փորձել է հասնել Չաբահարի ոստիկանության բաժանմունքի տարածք։ Մեքենան մուտքի մոտ կանգնեցրել են փաստաթղթերը ստուգելու համար եւ այդ պահին մահապարտն իրեն պայթեցրել է։
Դրա հետեւանքով՝ զոհվել են երկու ոստիկան, շուրջ 43 մարդ, այդ թվում՝ 4 երեխա վիարվորվել են։
Ոչ պաշտոնական տվյալներով՝ ահաբեկչության պատասխանատվությունը ստանձնել է Անսար Ալ Ֆուրկան ահաբեկչական խմբավորումը։