Աշխարհում չի դադարում լույսի եւ մութի, սպիտակի եւ սեւի պայքարը: Հայաստանի նախագահ Արմեն Սարգսյանն այս մասին ասաց Երեւանում ընթացող «Ընդդեմ ցեղասպանություն հանցագործության» երրորդ գլոբալ գիտաժողովի բացմանը:
Նրա խոսքով՝ գիտաժողովն ուղղված է մարդկության չար կողմի դեմ պայքարին: «Այդ չարության շատ դրսեւորումներ կան՝ ինչպես ենք մեզ պահում, ինչպես ենք վերաբերվում կլիմայական փոփոխություններին, ապարտեիդին, մեզանից սեռով, ռասայով, կրոնով տարբերվող մարդկանց, ինչպես ենք վերաբերվում մեր ընդհանուր տանը՝ Երկրին»,- նշեց նախագահը:
Նա արձանագրեց, որ ցավոք, ոչ միշտ է հաջողվում չարին հաղթել: «Իրադարձությունները 21-րդ դարում արագ են զարգանում, եւ հետեւորդներ ունեն ինչպես բարին, այնպես էլ չարը: Մենք արագ էվոլյուցիայի նոր փուլ ենք մտնում, որում ցեղասպանություն հանցագործությունը սնուցման աղբյուրներ ունի, եւ այն գոյությունը չի դադրեցնի, եթե դրա դեմ չպայքարեն»,- հայտարարեց Արմեն Սարգսյանը:
Նախագահը հիշեցրեց, որ հայրեը Ցեղասպանության ցավը կրել են 20-րդ դարի սկզբին, եւ այդ ցավը խորհրդանշում են Ցեղասպանության թանգարանն ու Մատենադարանը, որտեղ եւ գիտաժողովն անցկացվում է: Նա նշեց, որ իր տատիկի ընտանիքը նույնպես փախել է Ցեղասպանությունից: «Մենք ամեն ինչ նետում էինք, վերցրեցինք միայն ամենաարժեքավորը՝ որդուս եւ Աստվածաշունչը»,- պատմում էր տատիկս: Հետագայում տատիկը որդուն կորցրել է, իսկ ահա Աստվածաշունչը, որը մի քանի 100 տարվա է, հաջողվել է պահպանել: Նրա խոսքով՝ Ցեղասպանության հետեւանքով ամբողջ աշխարհով սփռված հայրեը, առաջին հերթին այն երկրների լավ քաղաքացիներ են, որոնք նրանց նախնիներին ապաստանել են: «Բայց նրանք հոգու խորքում մշտապես վստահ են, որ չարին հնարավոր է հաղթել: Պատմություն, մշակույթ, հավատ՝ ահա թե որոնք են գլխավոր արժեքները: Բարի գալուստ Հայաստան, որը կարողացել է վերապրել Ցեղասպանություն մեծագույն հանցագործությունը»,- եզրափակեց Արմեն Սարգսյանը:
